महानगरीय प्रहरी बृत्त सिंहदरवारमा कार्यरत इनिस्पेक्टर विक्रम सुवेदीले छुवाछुतको जाहेरी दर्ता गर्न अस्विकार गरेको भन्दै चर्काे आलोचना खाईरहेका छन् । त्यति मात्रै नभएर सुवेदीले ड्युटीमा रहेका एकजना प्रहरी जवान माथि जाई लागेको भिडियो पनि अहिले भाईरल भैइरहेको छ । 

इमेज टेलिभिजनमा कार्यरत रुपा सुनारले ‘कामीको छोरी हुँ’ भन्दा डेरा नदिएपछि कानुनी कारवाहीका लागि बिहीबार महानगरीय प्रहरी बृत्त सिंहदरबारमा उजुरी दिन पुगेकि थिईन ।  बुधबार १२ बजे दलित भएको भन्दै कोठा नदिने सरस्वती प्रधान विरुद्ध जाहेरी दिन महानगरीय प्रहरी बृत्तमा पुगेकी सुनारको जाहेरी दर्ता गर्न प्रहरीले इन्कार गरिरहेको थियो ।

झण्डै साँढे १२ बजे बृत्तमा पुगेकी सुनारलाई साँढे ४ घण्टासम्म झुलाइयो । पीडित सुनारले प्रहरीको विश्वासमा परेर सरस्वती प्रधानसँग भएको कुराकानीको अडियोसमेत सुनाइन् । तर, प्रहरीले सो अडियो सरस्वती प्रधानकै हो की होइन रु म्याच गराएर मात्रै मुद्दा दर्ता गर्ने अडान लियो । बृत्तमा हल्लिखल्ली नै मच्चियो । सुनारको मुद्दा दर्ता गर्ने बेला बृत्तका डिएसपी हरिबहादुर बस्नेत मिटिङमा गएका बेला सुवेदीले दलित समुदायका अगुवा र पीडितलाई दिनभर रिङ्गयाए ।

सुनारको जाहेरी दर्ता गर्न अस्विकार गर्ने इनिस्पेक्टर शक्तिको आडमा सिंह दरबारमा 'सिंह' नै भएर बसेको भन्दै आलोचना हुने गरेको छ । ड्युटीमा रहेका जवानमाथि हातपात गर्ने इनिस्पेक्टर सुवेदीलाई कुनैपनि कारबाही नभएको तर त्यसको सट्टा थप जिम्मेवारी दिईएको भन्दै उनलाई प्रहरी वृत भित्र 'डन' इन्स्पेक्टरको संज्ञा नै थालिएको स्रोतले जानकारी दियो । 

यसबारे नेपाल प्रहरीका केन्द्रीय प्रहरी प्रवक्ता प्रहरी वरिष्ठ उपरीक्षक बसन्त बहादुर कुँवरलाई बुझ्दा आफुलाई केहि जानकारी नभएको बताए । उनले भने, 'मलाई यसबारे केहि थाहा छैन । कस्तो भिडियो हो मलाई भाईवरमा पठाई दिनु होला ।' 

 

रुपा सुनार