प्रधानन्यायाधीशको इजलास गठन प्रक्रियाप्रति असहमति जनाउँदै दुई वरिष्ठ न्यायाधीश दीपककुमार कार्की र आनन्दमोहन भट्टराई संवैधानिक इजलाशमा नबस्ने घोषणा गरेर हिडेको छन्।

प्रतिनिधि सभा विघटनसम्बन्धी मुद्दामा न्यायाधीशमाथि प्रश्न उठेपछि उनीहरूले इजलासबाट बाहिरिने निर्णय लिएका हुन् । तर, उनीहरुको विषयमा प्रश्न उठेको थिएन।

कानुन व्यवसायीहरुबाट प्रश्न खेपेका न्यायाधीश तेजबहादुर केसी र बमकुमार श्रेष्ठले इजलासबाट  बाहिरिन अस्वीकार गरेपछि दुई न्यायाधीशद्वय कार्की  र भट्टराई मंगलबार इजलासबाट बाहिरिएका हुन् ।

यसअघि आजै बिहान प्रधान न्यायाधीश र सर्वोच्च बारका पदाधिकारीवीच इजलास गठनसम्बन्धी नियमावली संशोधन गरी वरिष्ठताका आधारमा एक साताभित्र अर्को इजलास बनाएर प्रतिनिधि सभा विघटन सम्बन्धी सबै रीटउपर सुनुवाइ शुरु गर्ने सहमति जुटेको थियो ।

अब अर्को पेशी २३ गतेलाई हुने भएको छ ।