आफुलाई सामाजिक अभियान्ता वताउने ज्वाला संग्रौला र उनका श्रीमान हिमाल उपाध्यायमाथि प्रधानमन्त्रि केपी शर्मा ओली निकट युवासंघका कार्यकर्ताले हातपात गरेका छन् ।

करिब १५ जनाको समुहमा रहेका युवा संघका कार्यकर्ताले संग्रौला र उनका श्रीमानमाथि टेकु प्रहरी परिसरमै आक्रमण गरेको अभियान्ता हेमराज थापाले जानकारी दिए ।

अभियान्ता संग्रौला र खुश्बु घिमिरेबीचको विवादको विषयमा छलफल गर्न टेकु प्रहरीले संग्रौलालाई बोलाएको थियो । करिब १५ जनाको समुहमा रहेको टोलीले संग्रौला दम्पति माथि निर्घात आक्रमण गरेको थापाले बताए । 

कुनै पनि विषयमा विवाद भए कानुनी रुपमा समाधान गर्ने मार्ग प्रशस्त हुँदाहुँदै संग्रौला दम्पत्तिमाथि प्रहरी परिसरमै आक्रमण हुनु शक्ति र सत्ताको दम्भ भएको भन्दै सामाजिक सञ्जालमा अभिव्यक्ति आईरहेकाछन् ।

यसैविच, प्रहरीले ज्वाला संग्रौलासहित तीनजनालाई पक्राउ गरी हिरासतमा लिएको छ । युवा संघकी केन्द्रीय सदस्य खुस्बु घिमिरेले दिएको जाहेरीका आधारमा उनीहरुलाई महानगरीय प्रहरी परिसर टेकुले हिरासतमा लिएर अनुसन्धान थालेको हो ।

अभियन्ता बताउने ज्वाला संग्रौला, उनको श्रीमान हिमाल र शर्मिला वाइवा रहेका छन् । उनीहरुमाथि कुटपिट, अभद्र व्यवहार तथा प्रहरीमाथि समेत हातपात गरेको अभियोग छ ।

खुस्बुमाथि गत जेठ १६ गते गौशला प्रहरी वृत्तको हिरासतमा ज्वालाको समूहले आक्रमण गरेको थियो । त्यसविरुद्ध खुस्बुले टेकु प्रहरी परीसरमा उजुरी गरेकी थिइन् । प्रहरीले आज खुस्बु र ज्वालाको समूहलाई छलफलका लागि बोलाएको थियो । त्यही क्रममा प्रहरीले तीनजनालाई हिरासतमा लिएको हो ।

संग्रौलाको समुहले ट्राफिक प्रहरी वृत्त, महाराजगञ्जका प्रहरी सहायक निरीक्षक (असई) मणिकान्त झालाई दुर्व्यवहार गरेको आरोप पनि छ ।

झालाई उनले सरुवा गराइदिने धम्की दिंदै रंगभेदी अभिव्यक्ति दिएकी थिइन् ।

यो पनि

असई मणिकान्त झाको काज सरुवा फिर्ताः एसएसपी भन्छन– सरुवा गरिएकै होईन

रवीकी चन्दा संकलकको असईलाई धम्की – एनी हाउ तिम्रो सरुवा गर्छु !

रविकी चन्दा संकलकले पत्रकारलाई गरिन अस्लिल गाली

ज्वाला संग्रौला प्रहरीलाई धम्की मणिकान्त झा हातपात