नेकपा एमालेका अध्यक्ष एवम् प्रधानमन्त्री केपी शर्मा ओलीले माधव नेपाल समुहलाई आफनो कित्ता क्लियर गर्न चेतावनीको सन्देश पठाएका छन् ।

प्रधानमन्त्री ओलीले आफ्नो समूहका विश्वासिला नेता मार्फत शुक्रबारसम्म आफ्नो कित्ता क्लियर पार्न चेतावनीसहितको खवर पठाएको श्रोतले जनाएको छ । एमाले अहिले फुटको संघारमा छ । ओलीले माधव नेपाल लगायतका ११  जनालाई  पार्टीबाट निष्कासन गरिसकेका छन्।

प्रधानमन्त्री ओलीले पार्टी एकताका लागि भन्दै केहि दिन अघि ६ वुँदे प्रस्ताव पठाएका थिए । त्यसअघि माधव नेपालले सहमतिका लागि भन्दै वुझाएको ६ वुँदे प्रस्तामा केहि सर्तहरु समावेश गरी ओलीले सार्वजनिक गरेको प्रस्तावलाई नेपाल समुहले अस्विकार गरेको थियो ।

ओलीले सर्तसहित पार्टीलाई २०७५ जेठ ३ को अवस्थामा फर्काउन तयार भएको भन्दै पार्टी एकताका लागि गरेको आह्वानलाई नेपाल पक्षले षडयन्त्रको संज्ञा दिएको थियो । ओलीको प्रस्तावमा कांग्रेस सभापति शेरबहादुर देउवालाई प्रधानमन्त्री बनाउन सर्वोच्चमा दायर मुद्दामा हस्तारक्षर गरेका सांसदहरुले आफ्नो नाम फिर्ता लिनुपर्ने उल्लेख थियो ।

ओलीको उक्त ६ बुँदे प्रस्तावले माधव समूहमा निकै ठूलो हलचल ल्याएको छ । ओलीले अगाडि सारेको प्रस्तावले माधव समूहको ठूलो हिस्सा एमाले तिरै फर्किने अवस्थामा पनि पुगेको छ । 

जसमा सबैभन्दा विश्वासिला पात्र नै निःशर्त ओली समूहमा फर्किन तयार देखिएका छन् । खास गरी वार्तामा रहेका नेताहरु तत्कालै एमालेमा फर्किन तयार देखिएको छन । योगेश भट्टराई र गोकर्ण विष्टलगायतको समूह निःशर्त ओली नेतृत्वमा जान तयार छ ।

सुरेन्द्र पाण्डे, घनश्याम भुसाल, भीम आचार्य र अष्टलक्ष्मी शाक्यसहितका नेताहरु पनि पार्टी एकता जोगाउने भन्दै ओलीको प्रस्तावप्रति करिब सहमत छन् । सम्मानजनक अवस्थामा पार्टीमा फर्किने अडानमा छन् उनीहरु।

तर, भीम रावल, युवराज ज्ञवाली, रामुकमारी झाँक्री, डा. विजय पौडेल र जगन्नाथ खतिवडालगायतका नेताहरु ओलीसँग सम्बन्ध विच्छेद गरेर अगाडि बढ्नुपर्ने लाईनमा देखिएका छन् ।
यो पनि

एमालेभित्र कहाँ पुग्यो सहमतिको प्रयास, के पाक्दैछ खिचडी ?

केपी शर्मा ओली माधव नेपाल कित्ता क्लियर गर्न चेतावनी