नेकपा एमालेका नेता तथा राष्ट्रियसभा सदस्य बेदुराम भुसालले आफूलाई स्वतन्त्र सांसदको मान्यता दिन माग गरेका छन् ।

संसद सचिवालयमा सूचना दर्ता गराउँदै उनले आफु निर्वाचित भएको दल अस्तित्वमा नरहेकाले आफूलाई स्वतन्त्र सांसदको रुपमा व्यवहार गर्न उनले माग गरेका छन् ।

यसैगरी, आफूले पाउने तलब तथा सेवा सुबिधाबाट लेवी वा अन्य कुनै रकम कुनै पनि दलको खातामा जम्मा नगरिदिन भुषालले अनुरोध गरेका छन् । एमालेका सांसदको तलबबाट सचिवालयले लेवी कटाएर सिधै दलको खातामा पठाउने गरेको छ ।

तत्काली नेकपाबाट राष्ट्रियसभा सदस्य निर्वाचित भएका भुसाल नेकपा विघटनपछि एमालेको स्थायी कमिटि सदस्यको हैसियतमा माधव नेपाल समुहमा क्रियाशील छन् ।