नेकपा एमालेका प्रवक्ता प्रदीपकुमार ज्ञवालीले पार्टीका केही नेताहरु विपक्षीलाई काँधमा राखेर उनीहरुलाई शक्तिशाली बनाउने प्रयासमा लागेको आरोप लगाएका छन् ।

आइतबार स्थायी समितिको बैठकपछि प्रवक्ता ज्ञवालीले यति हुँदा हुँदै पनि पार्टी एकताको आशा कायमै रहेको र धेरैे नेता÷कार्यकर्ता एमाले एकताकै पक्षमा रहेकाले प्रयत्न र प्रयास जारी राखिएको बताए ।

एमालको एकतालाई मध्यनजर गरेर अध्यक्ष केपी शर्मा ओलीले गत जेठ २३ गते आह्वान गरको स्मरण गर्दै उनले कतिपय नेताका व्यवहार एकतासँग मेल नखाने खालका भएको वताए । त्यसले एमालेलाई जोगाउन नसक्ने बताए । 

‘सीमित नेताहरुको यस्तो चाहना होला । तर, देशैभरका कार्यकर्ता र जनताको चाहना, स्थिरता र स्थायित्वका पक्षधर कसैको पनि चाहाना एमाले विभाजनको चाहना होइन । त्यसो भएर जनताको चाहनासँग उहाँहरुका क्रियाकलाप मेल खाएका छैनन। हामी एकता जोगाउन प्रयत्नशील छौ, आशा मारेका छैनौं । तर अव नेताहरु के गर्नुहुन्छ आन्दोलन र व्यक्तिगत जीवलाई कसरी लानुहुन्छ यो भविष्यले निर्धारण गर्ला’– ज्ञवालीले भने।

बैठकमा गत जेठ २७ गते सर्वोच्चले गरेको फैसलाका बारेमा समेत छलफल भएको जनाईएको छ । बैठकले जेठ २७ को फैसला त्रुटिपूर्ण भएपनि मानेर नै चलेको भन्दै कानुनभन्दा बाहिर गएर गएको फैसला नटिक्ने एमालेको ठहर उनले सुनाए ।

त्यसविरुद्धको एमाले भ्याकेटमा गैसकेको पनि उले जानकारी दिए ।

यो पनि

एमाले स्थायी कमिटी बैठक वालुवाटारमा वस्दै

प्रदीपकुमार ज्ञवाली स्थायी समितिको बैठक