बझाङको सदरमुकाम चैनपुरमा एक महिला बिच सकडक मै सुत्केरी हुनु परेको छ । जयपृथ्वी नगरपालिका वडा नम्बर ११ की कौशिल्ला खड्का सोमबार बेलुका जिल्ला प्रशासन कार्यालय नजिकै सडकमा सुत्केरी भएकी छन् ।

जयपृथ्वी नगरपालिका ११ की खड्कालाई प्रसव व्यथाले च्यापेपछि उनका आफन्तले स्थानिय रुटमा चल्ने जीबमा राखेर अस्पताल हिँडेका थिए । तर, जीवले महिलालाई अस्पताल नपुर्याएर बिचबाटोमा झारेपछि कौशिल्ला सडक मै सुत्केरी हुन बाध्य भएकीछन् । 

कौशिल्लालाई व्यथाले च्यापेपछि अस्पताल हिँडेका उनिहरुलाई गाडीले आधाबाटो मै छोडेको उनकी शासु जुनधारा खड्काले बताएकी छन् । 

सोमबार बेलुका करिब ६ बजेतिर कौशिल्ला सडक मै सुत्केरी भएको भन्दै स्थानियले जानकारी गराएपछि जिल्ला अस्पताल बझाङका अहेव पुष्पराज सुवेदी र वन कार्यालयका कर्मचारीहरुले ती महिलालाई उद्धार गरेर अस्पताल लगेका थिए । 

सुत्केरी व्यथाले च्यापेकी महिलालाई बिचबाटो मै छोडेर अलपत्र पारेको भन्दै गाडी चालकको बारेमा मानिसहरु टिप्पणी गरिरहेका छन् ।