धनगढीको कैलाली अस्पतालमा फिजियोथेरापी विभाग प्रमुख रहेका डा. सुरेन्द्र ऐरको नेतृत्व रहेको ‘म बाँच्छु अनि बचाउँछु अभियान’ले बझाङमा पनि फोनबाट मंगलबारदेखि परामर्श सेवा दिनेदिईरहेको छ । बझाङ युवा समाजको समन्वयमा सञ्चालन हुने कार्यक्रममा कोभिड विरामी र सर्वसाधारणलाई फोन मार्फत निःशुल्क स्वास्थ्य परामर्श सेवा दिईने छ । 

कोभिड संक्रमित बिरामीहरूको स्वास्थ्य अवस्थामा सुधार ल्याउने र कोभिड सङ्क्रमण नभएकाहरुलाई पनि अन्य स्वास्थ सम्बन्धि परामर्श दिने उदेश्य रहेको यो कार्यक्रम सुदूरपश्चिमका अन्य जिल्लामा पनि सञ्चालन हुने छ । 
कोभिड संक्रमित विरामीहरुको मानसिकता कमजोर नहोस् भनेर कार्यक्रम गर्न लागिएको बझाङ  युवा समाजका अभियानता बिकास बिस्टले जानकारी दिए । 

डा सुरेन्द्र ऐरको नेतृत्वमा सञ्चाल भैईरहेको ‘म बाँच्छु अनि बचाउँछु अभियान’ अन्र्तगत विशेषज्ञ डाक्टरहरुले फरक फरक समयमा फोनबाट परामर्श गराउने छन् । कोरोना संक्रमित व्यक्ति र कोरोना संक्रमण नभएका व्यक्ति विशेषज्ञ डाक्टरहरुको मोबाईलमा फोन गरेर स्वास्थ्य सम्बन्धि निःशुल्क जानकारी लिन सक्ने बझागं युवा समाजका विस्ट बताउँछन् । विशेषज्ञ डाक्टरहरुको सम्र्पक नम्बरका सामाजिक सञ्जाल तथा बझागं युवा समाजको फेसबुकमा उपलब्ध गरिएको छ ।