‘धेरै नउड्न वा धेरै नगिर्न’ कांग्रेस नेता रिजालको चेतावनी
नेपाली कांग्रेसका नेता डा. मिनेन्द्र रिजालले सरकारबाट बाहिरिएपछि अदालतलाई गाली गर्ने प्रवृत्ति गलत रहेको टिप्पणी गरेका छन् ।
प्रतिनिधिसभामा बोल्दै कांग्रेस सांसद रिजालले केपी शर्मा ओलीको सरकार अदालतबाट नभइ अहंकारबाट अपदस्थ भएको बताएका छन् । उनले भने– ‘अदालतले प्रधानमन्त्री नियुक्त गरेको होइन । मिलेमतोमा संविधान मिच्नेहरूलाई सम्झाउन खोजेको मात्रै हो । अदालतले होइन अहंकारले तपाईंलाई हराएको हो।’
नेता रिजालले नेकपा एमालेका नेताहरूलाई ‘धेरै उड्ने वा धेरै गिर्ने’ काम नगर्न सचेत पनि गराए । उनले भने–‘मेरो सुझाव छ तपाईंहरूलाई, धेरै उड्ने पनि नगर्नुस् धेरै तल पनि नजानुस् । एउटा सीमाभित्र बस्नुस् । हामीलाई कुनै उन्माद छैन, सत्ताबाहिर हुनेले पनि मनमा तिक्तता नलिनुस।’
