जनता समाजवादी पार्टी (जसपा)का संघीय परिषद् अध्यक्ष डा.बाबुराम भट्टराईले दुर्घटनाको बीचमा पुगेको देशलाई सर्वोच्च अदालतले जोगाउने काम गरेको वताएका छन् ।

प्रतिनिधि सभाको आजको बैठकमा बोल्दै भट्टराईले देशलाई केपी ओली नेतृत्वको सरकारले अँध्यारो सुरुङमा धकेल्ने काम गरेको बताए। भट्टराईले ओलीलाई भष्मासुरको संज्ञा दिए । ‘यो संविधान उत्कृष्ट छ । तर पुरा छैन । मैले त संविधान जारी हुँदा नै भनेको हुँ’ उनले भने–‘हामीले आधा गिलासलाई बचाएर बाँकी भर्न चाहेका थियौँ । तर भस्मासुरले आधा गिलास घोप्ट्याउने काम भयो र हामी त्यसको विरोधमा लाग्न प¥यो ।’

उनले अदालतको फैसला एक दम सुन्दर ढंगले आएको वताए । उनले भने–’अदालतले व्याख्या गर्दा तपाई हामीले विर्सेको कुरा सम्झाउने काम भएको छ ।’

प्रतिगमनकारीहरुको पटक–पटकको खड्क प्रहारबाट मुर्छित बनेको संसदमा उपस्थित हुन पाउँदा हर्सित भएको पनि उनले वताए ।
 

बाबुराम भट्टराई केपी शर्मा ओली