नेकपा एमालेको माधवकुमार नेपाल पक्षका पनि केहि सांसदले प्रधानमन्त्री शेरबहादुर देउवालाई विश्वासको मत नदिने भएका छन् ।

ती सांसदहरू तटस्थ बस्ने भएका छन् । घनश्याम भुसाल, सुरेन्द्र पाण्डे, गोकर्ण विष्ट र योगेश भट्टराई लगायतका नेताहरू तटस्थ बस्न लागेका हुन् ।

पार्टी एकतालाई जोगाउन विश्वासको मतको पक्ष र विपक्षमा कतै नउभिने उनिहरुको प्रतिक्रिया  छ। भीम रावलले देउवाको विपक्षमा मतदान गर्न प्रस्ताव राखेका थिए । तर, अर्का नेता घनश्याम भुसालले त्यसो गर्न नहुने बताएपछि रावलले सांसद पदबाटै राजीनामा दिए ।

रावलको राजीनामापछि नेपाल पक्षका नेताहरूले देउवाको पक्षमा मतदान गर्ने कि तटस्थ बस्ने भन्नेबारे छलफल गरेका थिए । स्थायी कमिटीका नेता योगेश भट्टराई, गोकर्ण विष्ट र सुरेन्द्र पाण्डेले पार्टी एकता बचाउनका लागि तटस्थ बस्ने निर्णय गरेपछि भुसाल पनि उनीहरुको पक्षमा लागेको जनाईएको छ । 

माधव नेपाल समूहका २३ सांसदमध्ये अरू पनि केहीले तटस्थ बस्ने तयारीमा रहेको जनाईएको छ ।

शेरबहादुर देउवा माधवकुमार नेपाल