वामदेव गौतमको नेतृत्वमा सरकारमा जाने तयारी गर्दै माधव नेपाल
नेकपा एमालेको माधवकुमार नेपाल समुहले उपाध्यक्ष वामदेव गौतमको नेतृत्वमा सरकारमा जाने तयारी सुरु गरेको छ ।
प्रधानमन्त्री शेरबहादुर देउवालाई विश्वासको नेपाल समुहले आफनो तर्फवाट गौतमलाई उपप्रधानमन्त्रीसहित सरकारमा पठाउन लागेको हो ।
गौतमलाई उपप्रधानमन्त्री एवम् गृहमन्त्रीसहित कम्तिमा छ मन्त्री र दुई राज्यमन्त्री पाउनुपर्ने माग नेपाल पक्षले गरेको स्रोतको भनाई छ।
नेपाल समूहवाट गौतमसहित विरोध खतिवडा, प्रेम आले, रामकुमारी झाँक्री, मेटमणि चौधरी, जीवनराम श्रेष्ठ, कृष्णबहादुर श्रेष्ठ ‘किसान’, धनबहादुर बुढा र भवनीप्रसाद खापुङको नाम मन्त्री पदका लागि छनौट गरिएको छ।
चौधरी र किसान राज्यमन्त्री बन्ने सम्भावना रहेको स्रोतले जनाएको छ। देउवाले अहिलेसम्म कांग्रेसबाहेक नै २४ वटा मन्त्रालयको माग भइसकेकाले प्रधानमन्त्री देउवालाई यो व्यवस्थापन गर्न मुस्किल भएको छ।
