नेकपा (एमाले)को केन्द्रीय कमिटी बैठकले वरिष्ठ नेता माधवकुमार नेपालसहित २२ सांसदलाई स्पष्टीकरण सोध्ने निर्णय गरेको छ । ललितपुरको च्यासलस्थित तुलसीलाल अमात्य स्मृति प्रतिष्ठानमा बसेको बैठकले प्रधानमन्त्री शेरबहादुर देउवालाई विश्वासको मत दिएको विषयमा २२ सांसदलाई स्पष्टीकरण सोध्ने निर्णय गरेको हो ।

केन्द्रीय कमिटी बैठकमा अध्यक्ष केपी शर्मा ओलीले २२ सांसदलाई कारबाही गर्ने प्रस्ताव राखेको थिए। त्यसमाथि छलफल गर्दै केन्द्रीय कमिटीले २४ घण्टे स्पष्टीकरण सोध्ने निर्णय गरेको हो । एमाले स्थायी कमिटीले विश्वासको मतको प्रस्तावको विपक्षमा मत दिने निर्णय गरेको थियो ।

माधव नेपाल समुहका सांसदलेभने केन्द्रिय कमिटीले सोमबार सोधेको स्पष्टिकरण नदिने निर्णय गरेको छ । ओली समुहको केन्द्रिय कमिटीले सोधेको स्पष्टिकरणको औचित्य नभएको भन्दै आफुहरु स्पष्टिकरण नदिने माधव समुहका सांसद मेटमणी चौधरीले बताए । उनि भन्छन्, ओलीले सोधेको स्पष्टिकरण चैतको धुपमा पिसाब फेरेको जत्ति कै हो । एकछिनमा वाफ बनेर हराउँछ ।

प्रतिनिधि सभा पुनःस्थापना गरेसँगै सर्वोच्च अदालतले सांसदबाट कारबाही नगर्न आदेश दिएको थियो । देउवालाई विश्वासको मत दिने २२ जनालाई सांसदबाट भने एमालेले कारबाही गर्न सक्दैन । उनीहरूलाई आन्तरिक रूपमा कारबाही गर्न भने सर्वोच्च अदालतको आदेशले छेक्दैन । त्यसैले अध्यक्ष ओलीले पार्टी अनुशासन उल्लंघन गरेको भन्दै कारबाही गर्न केन्द्रीय कमिटी बैठकमा प्रस्ताव गरेका थिए । त्यही अनुसार, स्पष्टीकरण सोधिने भएको हो ।

 

स्पष्टिकरण मेटमणी चौधरी