शेरवहादुर देउवालाई विश्वासको मत हालेका एमाले खनाल–नेपाल पक्षका सांसदहरुको वैठक सकिएको छ । बुधबार बिहान ११ बजे अर्को वैठक वस्ने गरी आजको वैठक सकिएको हो ।

वुधवारको वैठक काठमाडौंको एक होटलमा बस्ने एक नेताले वताए । आजको बैठकमा प्रधानमन्त्री शेरबहादुर देउवालाई विश्वासको मत दिने सांसदको मात्रै सहभागिता थियो ।

अध्यक्ष केपी ओली पक्षले विश्वासको मत हाल्ने २२ सांसदलाई स्पष्टिकरण सोध्ने निर्णय गरेपछि सोहि विषयमा छलफल गर्न आजको वैठक वोलाईएको थियो । वैठकमा आफूहरूले उठाएका माग र मुद्दा स्थापित हुँदै गएकाले केपी शर्मा ओली पक्ष छाडेर अझै धेरै सांसद आउने निष्कर्ष निकालिएको छ।

आफूहरूलाई स्पष्टीकरण सोध्ने ओली समूहको निर्णय मिडिया खपतका लागि मात्रै आएको र आफूहरूलाई कतैबाट पनि स्पष्टीकरणको पत्र नआएको विरोध खतिवडाले वताएका थिए । यस्तै सांसद मेटमणि चौधरीले केही सांसद र नेताले नयाँ पार्टी गठनको सुझाव दिएको र कानुन र संविधानअनुसार कसरी अघि बढ्ने भन्ने विषयमा तयारी थालिने बताए।

१५÷२० दिनभित्रै आफूहरू केन्द्रीय कमिटी र संसदीय समितिमा बहुमतमा पुग्ने र केपी शर्मा ओलीलाई अध्यक्ष र संसदीय दलको नेताबाट हटाएर एमालेलाई नयाँ संरचनाबाट एकताबद्ध बनाउने विषयमा पनि बैठकमा छलफल भएको सांसद चौधरीले जानकारी दिए।

सांसदहरूले कानुनले मिलेसम्म नयाँ निर्माण गरेर अघि बढ्न नेपाललाई सुझाव दिएका छन् ।

वुधवारको वैठकमा विश्वासको मत दिने÷नदिने सबैको सहभागिता हुने बताइएको छ।

बैठकले सरकारमा सहभागिता तथा पार्टीमा कसरी अगाडि बढ्ने भन्नेबारे ठोस निर्णय गर्ने एक नेताले वताए ।

प्रधानमन्त्री देउवालाई विश्वासको मत दिएकाले देउवाले सरकारमा सहभागी हुन नेता नेपाललाई आग्रह गरिरहेका छन्। माओवादी केन्द्रका अध्यक्ष पुस्पकमल दाहाल प्रचण्डले पनि दाहाललाई सरकारमा सहभागि हुन आग्रह गरिरहेका छन् ।

नेता नेपालको निर्णयको प्रतीक्षाकै कारण प्रधानमन्त्री देउवाले सरकार विस्तार नगरेको पनि जनाईएको छ। 
 

माधवकुमार नेपाल खनाल–नेपाल