समाज विज्ञ ज्ञवालीको विश्लेषणः सबै भन्दा अराजक संगठन केपी ओलीको युथ फोर्स (भिडियो सहित)
नेपालका शिर्ष राजनितिक दलले भातृ संगठन र विद्यार्थी संगठन गठन गरेकाछन् । नेकपा एमालेसँग युवा संघ, युथ फोर्स, अखिल फोर्स, पिपुल्स भोलिन्टियर्स, अनेरास्ववियु जस्ता संगठन छन् । नेपाली काँग्रेससँग तरु दल, नेपाल विद्यार्थी संगठन छन् । त्यसैगरी नेकपा माओवादीसँग वाईसिएल, अनेरास्ववियु क्रान्तिकारी जस्ता संगठनहरु छन् । राजनितिक दलका भातृ संगठनको उदय, आवश्यकता र औचित्यका बारेमा हामीले भक्तपुर बहुमुखी क्याम्पसका समाजशास्त्र र राजनितिशास्त्र विभागका प्रमुख, प्राध्यापक तथा समाज विज्ञ माधव ज्ञवालीसँग छलफल गरेकाछौँ ।
नेपालमा राजनितिक दलका भातृ संगठन पञ्चायत कालदेखि नै जन्मेपनि माओवादी जनयुद्धपछि अराजक गतिविधी तिर लागेको ज्ञवाली बताउँछन् । माओवादी निकट वाईसिएललाई प्रचण्डले जनताको सेवामा लगाउन खोजेतापनि सफल नभएको उनको भनाई छ ।
नेपालमा हाल अस्तित्वमा रहेका भातृसंगठन मध्ये सबैभन्दा अराजक समुह केपी शर्मा ओलीसँग रहेको उनको विश्लेषण छ । नेकपा एमालेका अध्यक्ष तथा पुर्व प्रधानमन्त्रि केपी शर्मा ओलीको उत्तेजित स्वभावले पनि अराजक समुह उनिसँग लागेको ज्ञवाली बताउँछन् ।
उनि भन्छन्, ‘केपी ओली जती उमेर बढ्दै जान्छ त्यती नै उत्तेजक बन्दै गएकाछन् । म त युवा नै छु भनेर ओलीले ठान्छन् ।’ ओलीले प्रचण्डको नक्कल गर्न खोज्दा असफल भएको पनि ज्ञवालीको तर्क छ । उनि भन्छन्, ‘प्रचण्डले हिजो जसरी युवाहरुबाट आफ्नो राजनितिक एजेण्डा स्थापना गरे त्यसरी नै उदाउन सक्छु भन्ने ठाने त्यो नै सामाजिक टे«ण्ड भन्दा बाहिर देखियो ।
ओलीको अगाडि पछाडि हिड्ने युवाहरु सुर्य थापा, महेस बस्नेत, गोकुल बास्कोटा माझ रमाउनेहरु तडक भडक र उत्तेजनामा बढी विश्वास गर्छन् । अलि अलि बौद्धिक भनेर चिनिने राजन भट्टाई, विष्णु पौडेल र सुवास पनि नेम्वागंहरु पनि छायामा परेको देखिन्छ ।’
विद्यार्थी संगठन माधव ज्ञवाली भातृ संगठन
