आफनै मामाद्वारा वेचिएकी एक युवतीलाई वर्षौंसम्म यौन शोषण गरेको आरोपमा नेपाल प्रहरीका असई जितेन्द्रनारायण मण्डल पक्राउ परेका छन् । जिल्ला ट्राफिक प्रहरी कार्यालय अन्तर्गत दमक केर्खा बिटमा कार्यरत मण्डललाई इलाका प्रहरी कार्यालय इटहरीले सोमबार फक्राउ गरेको हो । 

उनीविरुद्ध ९ साउनमा इलाका प्रहरी कार्यालय इटहरीमा जबर्जस्ती करणीको जाहेरी दर्ता भएको थियो । जाहेरी दर्ता भएपछि अनुसन्धानका लागि मण्डललाई झापाबाट नियन्त्रणमा लिइएको इलाका प्रहरी कार्यालयका डिएसपी अर्जुन केसीले जानकारी दिए ।

सुनसरी जिल्ला अदालतबाट मंगलबार म्याद थप गरी मण्डलमाथि अनुसन्धान थालिएको डिएसपी केसीले बताए । उनले प्रदेश १ प्रहरी कार्यालय विराटनगरमा पनि ठाडो निवेदन दिएकी थिइन् । मण्डलले अन्तिम पटक ०७७ चैत २८ गते राति इटहरी ६ स्थित गोरखा डिपार्टमेण्ट स्टोरपछाडि रहेको अरुण होटल एण्ड लजमा जबरजस्ती करणी गरेको युवतीले वताएकी छिन् ।

प्रदेश प्रहरीमा निवेदन दिएपछि मण्डललाई विराटनगर तानिएको थियो। त्यहि क्रममा साउन ३ गते ‘समस्या बाहिरै मिलाउँछु’ भन्दै निस्किएका मण्डलले युवतीलाई सल्लाहका लागि भन्दै वोलाएका थिए । श्रीमतीसहित आएका मण्डलले आफुलाई वोलाएर ‘विगतका सबै सम्बन्ध र लेनदेन समाप्त भएको’ आशयको कागजमा हस्ताक्षर गराउन खोजेको उनले वताएकी छिन् । त्यसका लागि उनले ५० हजार रुपैयाँको लालच दिएका थिए ।
यो पनि

मामाद्वारा वेचिएकी युवतीमाथि कारुणिक यौन ब्यवहार, असईले पनि छोडेनन् !

यौन शोषण जितेन्द्रनारायण मण्डल इलाका प्रहरी कार्यालय इटहरी