देशको एकमात्र अन्तर्राष्ट्रिय विमानस्थल कोभिडका कारण सुनसान देखिएपनि तस्करी वढेको छ। आवत जावत पातलो हुँदा पनि करौडोको तस्करी हुने गरेपछि विमानस्थल प्रहरीलाई इज्जत जोगाउन समेत मुस्किल छ।

विगत ९ महिनाको तथ्याङ्कलाई हेर्दा त्रिभुवन अन्तर्राष्ट्रिय विमानस्थलमा खटिएका सुरक्षाकर्मी र भन्सार विभागको संयुक्त टोलीले ३२ जना तस्कर समातेको छ । उनीहरूबाट दश किलो ८२ ग्राम सुन नियन्त्रणमा लिइएको छ । जसको बजार मूल्य ७ करोड ७६ लाख रहेको छ ।

त्यसैगरी ८ जनाबाट ४३ लाख ३४ हजार श्रोत नखुलेको नेपाली रुपैयाँ, ५१ हजार अमेरकी डलर र २ हजार युरो बरामद भएको थियो । लागू पदार्थको तस्करीमा भने एउटा समूह मात्र पक्राउ परेको थियो । विमानस्थल सुरक्षामा खटिएको प्रहरीले त्यहाँबाट हुने अवैध सामानको तस्करी नियन्त्रणका लागि अभियान नै चलाएको जनाएको छ ।

तर, प्रहरीले समाउन नसकेको र जानकारी नै नपाएको समान त्यो भन्दा वढि पास भएको हुनसक्ने अनुमान छ। तस्करले प्रहरीको कमजोरी पत्ता लगाएर त्यसैलाई उपयोग गरिरहेको पाईएको छ । पछिल्लो समय तस्करहरूले आफ्नो शैलीमा परिवर्तन ल्याएको स्वयम् प्रहरीहरु नै स्विकार्छन । त्यसका लागि विमानस्थलमा अत्यधुनिक उपकरणको आवश्यक छ । तत्कालका लागि भेहिकल्स सर्च मेसिनको आवश्यक छ तर त्यो मेसिन उपलब्ध छैन।

यति मात्र होईन, सुरक्षा प्रविधि पेचिलो बनाउनु मात्र समाधान नभएर त्यहाँ काम गर्ने जनशक्ति पनि मन, वचन र कर्मले इमान्दार हुन आवश्यक छ । प्रहरी तथा कर्मचारीहरुले पहुँचका आधारमा विमानस्थमा सरुवा माग्ने क्रममा वढोत्तरी छ। यस हिसावले पनि तस्करी नियन्त्रण भईरहेको होला भन्ने विषयमा सरोकारवालाहरु नै आशंका ब्यक्त गर्छन ।

विमास्थलको सुरक्षा कार्यालयका प्रमुख वरिष्ठ प्रहरी उपरीक्षक राजेशनाथ बास्तोला भने तस्करको प्रयासलाई निरुत्साहित पार्न व्यापक अभियान चलाइरहेको बताउँछन् ।

विमानस्थलको सुरक्षा निगरानीको लागि हाल ३ सय ७७ वटा सिसि क्यामेरा जडान गरिएको छ । सूचना प्रणालीलाई चुस्त दुरुस्त राखिएको विमानस्थल प्रहरीको दावी छ । विगतको तुलनामा तस्करीका घटना न्यूनिकरण भएको र घट्दो क्रममा रहेको वास्तोलाले दावी गरे।

त्रिभुवन अन्तर्राष्ट्रिय विमानस्थल तस्कर प्रहरी