विदेश पठाइदिने भन्दै ठगी गरेको भन्दै पूर्वमन्त्री प्रभु साहविरुद्ध उजुरी
विदेश पठाइदिने भन्दै लिएको पैसा फिर्ता नगरेको भन्दै एमाले नेता एवं पूर्वमन्त्री प्रभु साहविरुद्ध प्रहरी वृत्त, बानेश्वरमा उजुरी परेको छ ।
बाँसबारीकी दीपा कुँवर नामकी महिलाले साह विरुद्ध प्रहरीमा ठाडो उजुरी परेको हो ।
विदेश पठाईदिने भन्दै ३० लाख लगेकोमा १० लाख फिर्ता गरेको र अरु पैसा बाँकी रहेको बताउँदै उजुरी परेको प्रहरीले जनाएको छ । ‘ठाडो उजुरी मात्र परेकाले बुझ्ने काम गरिरहेका छौं’ बानेश्वर प्रहरीले भनेको छ।
सामान्ययता प्रहरीले ठाडो उजुरीमा दुवै पक्षलाई बोलाएर छलफल गराउने गर्छ । तर आरोपित भीआईपी भएकाले प्रहरीले पूर्वमन्त्रीलाई सोधपुछका लागि बोलाएको छैन । प्रहरीका अनुसार पैसा दिएको पुष्टि गर्ने आधारहरु पनि देखिएक छन् ।
