संसद विघटन विरुद्धको मुद्दामा ईजलासले उठाएका यस्ता छन् प्रश्न
प्रतिनिधिसभा विघटन विरुद्धको मुद्दामा रिट निवेदक पक्षले जवाफी बहस सुरु गरेपछि ईजलासले मुख्य ७ प्रश्नको जवाफ माँगेको छ।
प्रधानन्यायाधिश चोलेन्द्र शमशेर राणाले अहिलेसम्म जति पनि प्रजातान्त्रिक मुलुकहरु छन् तिनीहरुमा संविधानलाई अझै सशक्तीकरण गर्ने ब्याख्या अदालतले गरेका छन् । जुन सदस्यहरु लिएर प्रधानमन्त्री बन्न पाउँ भनि निवेदन छ यसको फिगरलाई हेर्दा बहुदलीय र बहुलवादमा आधारित संविधानलाई यसले सहयोग गर्छ कि गर्दैन ? भन्ने प्रश्न गरेका छन् ।
त्यसलाई मान्यता दिइयो भने दलहरुलाई क्षतविक्षत बनाएर, यो संविधानलाई क्षतविक्षत बनाएर यसलाई कार्यान्वयनमा जाँदाखेरी यो संविधानलाई अगाडि लगेको हुन्छ कि ब्याक गरेको हुन्छ ? भन्ने जिज्ञासाको पनि राणाले जवाफ खोजेका छन्।
न्यायाधिश ईश्वर खतिवडाले सरकार पक्षका कानुन व्यावसायीहरुले शेर बहादुर देउवाले प्रधानमन्त्रीमा दाबी गर्दा पेश गरेको कागजात रितपूर्वक नभएको, नक्कली भएको दाबी गरेका छन् । यस्तो नक्कली कागजात ल्याएर प्रधानमन्त्री दाबी गर्न मिल्छ ? भन्ने प्रश्नको जवाफ माग गरेका छन् ।
यस्तै रिट निवेदन दर्ता गर्दा १ सय ४६ जना आए पनि निवेदनमा ५ जनाको मात्रै सही छ । कुन कानुनले यसलाई संबोधन गर्छ ? त्यसको जवाफ ईजलासले खोजेको छ ।
यस्तै इजलासले विभिन्न सात प्रश्न अघि सारेर त्यसको जवाफ मागेको छ ।
चोलेन्द्र शमशेर राणा संवैधानिक ईजलास
