चितवनमा ११ दिनदेखि वेपत्ता भएकी सुजिता भण्डारीको तीन दिनअघि शव फेला परेको घटना सेलाउन नपाउादै सोहि जिल्लाको गैडाकोट–४ की २१ वर्षिया विना सापकोटा वेपत्ता भएकी छिन् । प्रहरीका अनुसार उनी असार १४ गते रातिदेखि बेपत्ता छिन् ।

लगातार खोजी गर्दासमेत छोरी फेला पार्न नसकेको बिनाका ५० वर्षीय बुबा जायेश्वर सापकोटाले बताए ।

एकै छिनमा फर्केर आउँछु भन्दै साथीसँग घरबाट निस्केकी विनाको १४ गतेकै राति साथीको मोबाइलबाट अन्तिमपटक परिवारसँग सम्पर्क भएका थियो । उनी गैडाकोटकै जनक कलेजमा बीबीएस तेस्रो वर्ष अध्ययनरत थिईन ।

प्रहरीले अनुसन्धानका क्रममा भरतपुरका एकजना २३ वर्षिय युवा हरी (नाम परिवर्तन) लाई नियन्त्रणमा लिएको छ । पक्राउ परेका युवा बिनाका प्रेमी भएको प्रहरीले जानकारी दिएको छ।

विनाको फेसबुकमार्फत हरीसँग चिनजान भएको ५ वर्ष भएको थियो । ९ महिना लण्डन बसेका उनी दाजुको बिहेमा सहभागी हुन वैशाखमा नेपाल आएका थिए । उनी असार १४ गते विनाकै घरमा खाजा खाएर निस्केका थिए ।

अर्की एक युवती रमा (नाम परिवर्तन) ले स्कूल पढ्दादेखि नै हरीलाई मन पराएको पाईएको छ। उनीहरु तीनै जना एकै ठाउँमा भेला भएको र त्यसै वेला विना बेहोस बनेको प्रहरीले जनाएको छ । हरीले यस विषयमा विनाका बुबालाई जानकारी गराएका थिए ।

होस खुलेपछि रातको समयमा विना एक्लै घरतिर लागेकी थिईन । हरीले उनलाई स्कुटरमा पछ्याए र विनालाई स्कुटरमा लिएर केहि अघिसम्म गए । यसविचमा विनाको वुवासँग टेलीफोन सम्पर्क भएको पाईएको छ । 

त्यसपछि विना हराएको भन्दै हरीले विनाका वुवालाई फोन गरे । हरी र विनाका वुवा एकै ठाउँ भेला भए र खोजी गर्न थाले। तर, फेला पार्न सकेनन्।

यसै मेसोमा प्रहरीले हरीलाई पक्राउ गरी अनुुसन्धान सुरु गरेको जनाएको छ ।

सुजिता भण्डारी विना सापकोटा