पेट्रोलियम पदार्थको मूल्यवृद्धि विरुद्ध वैद्य निकट विद्यार्थी संगठनको विरोध प्रदर्शन
मोहन वैध 'किरण' नेतृत्वको नेपाल कम्युनिष्ट पार्टी (क्रान्तिकारी) माओवादी निकट विद्यार्थी संगठनले पेट्रोलियम पदार्थको मूल्यवृद्धि विरुद्ध बिहीबार विरोध प्रदर्शन गरेको छ । बबरमहल स्थित नेपाल आयल निगम अगाडि विद्यार्थी संगठनले विरोध प्रर्दशन गरेको हो ।
विरोद प्रर्दशनमा बोल्दै अखिल (क्रान्तिकारी) का अध्यक्ष हरिकृष्ण गजुरेलले महामारिमा सरकारले जनतालाई मारमा पार्ने गरि मूल्यवृद्धि गरेको बताए । ओली सरकार जनताप्रति गैरजिम्मेवार माफियाहरुको संरक्षक रहेको नेता गजुरेलको आरोप थियो । शिक्षा, स्वास्थ्य मादलाल पूँजीपतिहरुको कब्जामा रहेको र त्यसको संरक्षक केपी ओली भएको उनले उल्लेख गरेका थिए ।
