प्रमुख प्रतिपक्ष एमाले संसदीय दलका नेता केपी शर्मा ओलीले संयुक्त सरकारले सार्वजनिक गरेको साझा न्यूनतम कार्यक्रमको प्रस्तावना एमसिसि र लिप्पुलेक किन समावेश नगरेको भन्दै प्रश्न गरेकाछन् । प्रतिनिधिसभाको मंगलबारको बैठकमा सम्बोधन गर्दै ओलीले सदनमा यस्तो प्रश्न गरेकाहुन् । 'संयुक्त सरकारको विभिन्न निति कार्यक्रममा नेपाली काँग्रेसको अनुहार छैन । एमसिसि विर्सुनु भयो कि क्या हो? एमसिसि के गर्नुहुन्छ नेपाली जनताले जान्न चाहेको छ भन्नु परेन प्रधानमन्त्रि ज्यू? पास हुने कि त्यत्तिकै रहने?'  ओलीले प्रधानमन्त्रि देउबालाई प्रश्न गरे । 

ओलीले सम्बोधनमा लिम्पियाधुरा, कालापानी र लिप्पुलेकको प्रसंग पनि उठाएकाछन् । 'संयुक्त सरकारको विभिन्न निति कार्यक्रममा लिम्पियाधुरा, कालापानी र लिप्पुलेक बारेमा किन सम्बोधन गरिएन ? लिम्पियाधुरा, कालापानी र लिप्पुलेक समस्या हो भनेर अल्झाउन खोज्ने ? त्यो भु भाग हाम्रो हो भन्न पनि खुट्टा कमाउने कसले बनायो । हामी भन्छौँ त्यो भुमि हाम्रो हो हामी फिर्ता लिन्छौँ । तिन वर्ष पर्खनुहोस् ।' उनले भने ।