प्रमुख प्रतिपक्षी दल नेकपा एमालेका अध्यक्ष केपी शर्मा ओलीले न्यूनतम साझा कार्यक्रम शब्दजाल वाहेक केहि नभएको वताएका छन् । प्रतिनिधि सभाको आजको वैठकलाई सम्वोधन गर्दै अध्यक्ष ओलीले गठवन्धनका साझा कार्यक्रम अमुर्त रुपमा आएको वताए ।

साझा कार्यक्रममा कालापानी, लिम्पियाधुरा र लिपुलेकलाई समस्याका रुपमा राखेर समाधान गर्ने भनिएकोमा उनले आपत्ति जनाए । ‘यो भुभाग हाम्रो अभिन्न र पवित्र भुभाग हो। समस्या होईन । हाम्रो भुभाग हो भारतसँग वार्ता गरेर फिर्ता ल्याउँछौं भन्न किन डराएको ? उनले थपे–‘समस्या होईन त्यो, हाम्रो भुभाग हो । फिर्ता लिनोस। तपाईले सक्नु भएन भने डेढ वर्ष पर्खनोस, हामी छौं ।’

छिमेकीहरुसँगको सिमा समस्या टुङ्याईने भनिएको विषयमा पनि उनले उग्र आलोचना गरे । ‘छिमेकीहरुको समस्या कहाँ कहाँ छ ? जिव्रो पनि रगत आईसक्यो होला। चपाउँदा चपाउँदा । कति साह्रो डराएको यो सरकार ?’ उनले भने–‘ठोस रुपमा तोकेर केहि वोल्न सक्दैन ।’

असमान सन्धीहरुका वारेमा कुरा उठाएर कुन सन्धि हो भन्न पनि सरकार डराएको उनले आरोप लगाए । ‘कुन सन्धी हो त्यो लेख्न कस्ले रोक्यो’ भन्दै उनले प्रश्न गरे ।

लिपुलेक लिम्पीयाधुरा केपी शर्मा ओली