सि.के. राउत नेतृत्वको जनमत पार्टीका केन्द्रिय उपाध्यक्ष तथा रुपन्देहीको सम्मरीमाई गाउँपालिका अध्यक्ष जितेन्द्रनाथ शुक्ला (बब्लु) जबरजस्ती करणी आरोपमा पक्राउ परेका छन् । 

स्थानीय ३० वर्षीया महिलाले बिहीबार जिल्ला प्रहरी कार्यालय भैरहवामा जबरजस्ती करणी उद्योग गरेको भन्दै उजुरी दिएपछि शुक्ला पक्राउ परेका हुन् । उजुरीका आधारमा शुक्लालाई बिहीबार दिउँसो २ बजे पक्राउ गरेको प्रहरी नायब उपरीक्षक सत्यनारायण थापाले जानकारी दिए ।

२०७३ सालमा भएको स्थानीय तहको निर्वाचनमा तत्कालिन मधेशी जनाधिकार फोरम (लोकतान्त्रिक) बाट गाउँपालिका अध्यक्षमा उम्मेद्वारी दिएका शुक्ला  सि.के. राउत नेतृत्वको जनमत पार्टीमा प्रवेश गरेर केन्द्रिय उपाध्यक्ष समेत रहेका थिए । उनी पटक-पटक पार्टी परिवर्तन गर्दै आएका थिए ।  फोरम लोकतान्त्रिक नेपाली काङ्ग्रेसमा समाहित भएपछि नेकपामा प्रवेश गरेका शुक्ला गत वर्षको असोजमा सि.के. रावतको पार्टीमा पुगेका हुन् । 
 

जबरजस्ती करणी पक्राउ अध्यक्ष जितेन्द्रनाथ शुक्ला