नेपाली काँग्रेस अवैधानिक भएको भन्दै खारेज गर्न निर्वाचन आयोगमा उजुरी
नेपाली काँग्रेसको विधानमा पार्टीको केन्द्रिय महाधिवेशन प्रत्येक चार वर्षको हुने व्यवस्था छ । तर १३औँ महाधिवेशन भएको ६ वर्ष वितिसक्दा समेत १४औँ महाधिवेशनको टुंगो लागेको छैन । यहि कानुनी आधारलाई टेकेर अधिवक्ता सरोज बुढाथोकीले मंगलबार निर्वाचन आयोगमा नेपाली काँग्रेसको दल दर्ता खारेज गर्न निवेदन पेश गरेकाछन् ।
नेपाली काँग्रेसको १३औँ महाधिवेशन २०७२ फागुन २० गतेदेखि २३ गते सम्म भएको थियो । जसअनुसार २०७६ फागुन २३ गते महाधिवेशनको कार्यकाल समाप्त भएको हुनाले नेपालको संविधान अनुसार काँग्रेसले दलिय हैसियत गुमाएको निवेदनमा उल्लेख छ । संविधान र संघिय कानुन बमोजिम नेपाली काँग्रेसले दलिय हैसियत गुमाएको हुनाले दल दर्ता किताबबाट हटाइदिन निवेदनमा माग गरिएको छ ।
