प्रमुख प्रतिपक्षी नेकपा (एमाले) ले दल विभाजन अध्यादेश ल्याउने सरकारी तयारीको आलोचना गरेको छ। पार्टीको स्थायी कमिटीले एमालेलाई विभाजन गर्नका लागि अध्यादेश ल्याइएले प्रतिवाद गर्ने एमाले प्रवक्ता प्रदीप ज्ञवालीले बताए । 

एमाले स्थायी कमिटीको वैठक मंगलबार वसेको थियो । ज्ञवालीले अध्यादेश ल्याएपछि एमालेबाट पदलोलुप केही नेता बाहिरिने वताए । सरकारको यस्ता क्रियाकलापले मुलुकलाई संकटतिर धकेल्ने पनि ज्ञवालीको भनाइ थियो ।

गठबन्धन सरकारका असंसदीय, अलोकतान्त्रिक कदमको सशक्त प्रतिवाद गर्ने पनि एमालेले निर्णय गरेको छ । पार्टी विभाजनको विरुद्ध र एकताको पक्षमा उभिन पनि एमाले स्थायी कमिटीले पार्टीका नेता र कार्यकर्ताहरूलाई आह्वान गरेको छ ।

यसअघि एमाले अध्यक्ष केपी शर्मा ओलीले प्रधानमन्त्री शेरबहादुर देउवा नेतृत्वको सरकारले हिजोदेखि अन्त्य गरेको संसद बैठकलाई एमाले विभाजित गर्न खोजिएको षड्यन्त्र भनेका थिए । 

संसद बैठक अन्त्य गर्ने र राजनीतिक दल विभाजनसम्बन्धी अध्यादेश ल्याउने तयारीलाई उनले एमाले विभाजित गर्न खोजिएको खेलको आरोप लगाए।

ओलीले जारी गरेको वक्तव्यमा नेकपा एमाले र संसदीय दल विभाजन गर्ने कुनै पनि बहाना वा षड्यन्त्र पार्टीका लागि मान्य र क्षम्य हुन नसक्ने ठहर गरिएको छ ।

केपी शर्मा ओली अध्यादेश शेरबहादुर देउवा