एमाले पार्टीमा रहेका पूर्वमाओवादी चार नेताले सांसद पदमा पुर्नबहाली गरिपाऊँ भन्दै दिएको रिट निवेदनमाथि सर्वोच्च अदालतले अन्तरिम आदेश दिन अस्वीकार गरेको छ ।

माओवादीले सांसदबाट पदमुक्त गर्ने निर्णय कानुन सम्मत नै रहेको सर्वोच्चको आदेशमा भनिएको छ । चार जना नेताहरु एमालेको विभिन्न कमिटीमा भएकाले एमालेले जारी गरेको अन्तरपार्टी निर्देशिकामा जनाए अनुसार यस्तो निर्देशन दिइएको हो ।

लेखराज भट्ट, टोपबहादुर रायमाझी, प्रभु शाह र गौरीशंकरले चौधरीले आफूहरु माओवादीमा हुँदाको सांसद पद पुनर्बहाली गरीपाउँ भन्दै रिट दायर गरेका थिए । 

रिटमा सुनवाई गर्दै न्यायाधीश ईश्वरप्रसाद खतिवडाले अन्तरिम आदेश दिन अस्वीकार गरेका हुन् । योसँगै चारै नेताको सांसद पद गुमेको छ । उनीहरुको ठाउँमा सरकारले निर्वाचन गराउनुपर्ने हुन्छ ।

सर्वोच्च अदालत पूर्वमाओवादी