विवाह गर्ने प्रलोभन देखाएर २४ वर्षिया किशोरीलाई वलात्कार गरेको आरोपमा सप्तरीका एक इन्जिनियर कारागार पुगेका छन् ।

सप्तरीको अग्नीसाइर कृष्णसवरण गाउँपालिका–१ घर भई पर्साको वीरगञ्ज महानगरपालिकामा इन्जिनियर पदमा कार्यरत २५ वर्षीय राकेशकुमार चौधरीलाई सप्तरी जिल्ला अदालतले पुर्पक्षका लागि राजविराज कारागारमा पठाएको हो ।

जिल्ला न्यायाधीश अम्बिकाप्रसाद दाहालको इजलाशले चौधरीलाई पुर्पक्षका लागि राजविराज कारागारमा थुनामा राख्न आदेश दिएको अदालत प्रशासनले जनाएको छ । 

चौधरीले ०७८ वैशाख २ गते किशोरीलाई अग्नीसाइर कृष्णसवरण गाउँपालिकाको महुली चोकमा भेट्न बोलाई सोही गाउँपालिकाको वडा नम्बर १ सखुवा तिनमुखेस्थित जङ्गलमा लगेर बलात्कार गरेको जनाईएको छ । यो वाहेक विवाहको आश्वासन दिएर उनले पटक पटक वलात्कार गरेको पीडितले वताएकी छिन् । 

वलात्कारपछि गर्भ वसेपछि आर्शीवाद हेल्थ केयरमा लगेर गर्भपतन गराएको पनि उनले जनाएकी छिन् । आफुले विवाहको लागि आग्रह गर्दा पछिल्लो पटक वैशाख २ गते भेटन बोलाई बलात्कार गरेको उनको भनाई छ।

यस विषयमा गाउँमा पञ्चायती समेत वसेको थियो । तर, कुरा नमिलेपछि पीडितले प्रहरीमा उजुरी दिएको र सोहि उजुरीमा आधारमा चौधरी पक्राउ परेको इलाका प्रहरी कार्यालय कञ्चनपुरले जनाएको छ।

इलाका प्रहरी कार्यालय कञ्चनपुरमा साउन १५ गते उजुरी दर्ता भएपछि सोही दिन आरोपितलाई पक्राउ गरिएको थियो । चौधरीले भने बिदामा घर आउँदा भेट भएका बेला पीडितले बिहे गर्न दिएको दवाव अस्विकार गर्दा झुठा आरोप लगाएको बताएका छन्।

वलात्कार सप्तरी जिल्ला अदालत