प्रदेश–१ का निवर्तमान मुख्यमन्त्री शेरधन राईले प्रदेश सरकारले सुरु गरेका योजनाहरुको प्रतिफल केही वर्षपछि देखिने वताएका छन् ।

विहिवार संसदिय दलको नेता तथा मुख्यमन्त्री पदवाट राजिनामा दिएका राईको कार्यकालमा उल्लेख्य केही काम नभएको आसयहरु ब्यक्त हुन थालेपछि उनले शुक्रवार पत्रकार सम्मेलन गरेर यस्तो वताएका हुन ।

प्रदेश सरकारले निर्माण सुरु गरेका सडक पुल र विकासका अन्य कार्यक्रम निर्माणधिन अवस्थामा रहेको बताएका राईले भने–‘हाम्रो तीन वर्ष ६ महिनाको कार्यकाल त्यतीकै बितेको छैन। हर समय हाम्रो ध्यान र दृष्टि प्रदेशको समग्र विकास र समृद्धिमा खर्च भएको छ ।’

प्रदेशको विकासमा इमान्दारिताका साथ काम गरेको बताएका उनले सरकारले थालेका कामहरु सम्पन्न हुँदै गर्दा प्रदेशले विकासमा बेग्लै खालको उचाई प्राप्त गर्ने दावी गरे । ‘मलाई गौरब छ, मैले धेरै गर्न सकिन होला, जनताले जे अपेक्षा राखेका थिए, मैल गर्न सकिन होला। तर मैले गल्ती गरेको छैन, म जतिबेला पनि जहिले पनि शीर ठाडो पारेर उभिन सक्ने, हिड्न सक्ने र बोल्न सक्ने हिसाबले काम गरेको छु’– उनले भने ।

आफनो कार्यकालमा प्रदेशको विकासमा इमान्दारिताका साथ काम गरेको राईले वताए । साढे तीन वर्षको कार्यकालमा प्रदेशको नाम राख्ने प्रयास गरेपनि नसकेको उनले बताए । ‘प्रदेशको नाम राख्ने जिम्मा मुख्यमन्त्रीको होईन’ उनले भने–‘यहीँ सरकारले विषेश अधिवेशन बोलाएर नाम टुङ्गो लगाउन सक्छ।’

पार्टी एकताका निम्ति आफूले पद त्याग गरेको राईले जानकारी दिए । उनले विहिवार मुख्यमन्त्रीबाट राजीनामा दिएर एमाले सचिव भीम आचार्य मुख्यमन्त्री वनाउने प्रश्ताव राखेका थिए । 

यो पनि

मुख्यमन्त्रीका रुपमा शेरधनका साढे तीन वर्षः दौडिनु पर्थ्यो, सकिएन

शेरधन राई प्रदेश–१