आफनै पार्टीभित्र रक्षात्मक अवस्थामा पुगेपछि नेकपा एमालेका अध्यक्षसमेत रहेका तत्कालिन प्रधानमन्त्री केपी शर्मा ओलीले सत्ता जोगाई राख्न अनेक वितण्डा मच्चाए। दुई पटकसम्म प्रतिनिधिसभा विघटन गरे भने दल विभाजन गर्ने अध्यादेश र सांसद अपहरण जस्ता कुकृत्य पनि उनकै पालामा भए।

यतिमात्र होईन, आफनो कुर्सी जोगाउन उनले कोरोनाको वहाना दुई वर्षसम्म लकडाउन गरी जनतालाई आफनै घरमा वन्धक वनाए । स्वास्थ्य मापदण्ड पालना र मास्क अनिवार्य गरेका ओलीले पदच्युत गरेपछि भने आफैंले अनिवार्य गरेका मापदण्डको धज्जी उडाउन थालेका छन् ।

१० भदौमा ओलीले स्वास्थ्य मापदण्डको उलंघन गर्दै वालकोट स्थित आफनो निवासमा श्रीमती राधिका शाक्यको जन्मदिन मनाए । कृष्णले राधालाई खुसी बनाउन बासुरी बजाए झै ओलीले श्रीमतीलाई खुसी वनाउन ‘म त कति भाग्यमानी’ बोलको गीतमा छमछमी नाचे पनि।

नाचगानमा अधिकांशले न मास्क लगाएका थिए, नत सामाजिक दुरी नै कायम गरिएको थियो। जन्मदिन मनाउन भेला भएको भिडमा ओली आफै मास्क खोलेर गोजीमा राख्दै नाच्न अगाडि सरे । यो प्रकारको कार्यक्रमले छिमेकीहरुहरुलाई पिरोलेको छ। ओली पत्नि राधिकाको वर्थडे पार्टीकै कारण कोरोनाले भयावय वनाउने डरले उनीहरु आतंकित छन् ।

यति मात्र होईन, आफु प्रधानमन्त्रीपाट पदच्यूत हुने वित्तिकै पनि ओलीले आफनो सक्कली अनुसार देखाएका थिए । २ बर्षसम्म देशलाई लकडाउनमा राखेका उनले वालुवाटरवाट वालकोटसम्म ‘कोरोना जुलुस’ नै निकाले ।

त्यस क्रममा उनका समर्थकको भिडभाड व्यवस्थापन गर्नु प्रहरीका लागि पनि चुनौति बन्यो। सडक कब्जाको शैलीमा सवारीको लस्कर, मान्छेको त हिसाव गर्नै परेन । ओली वालकोट स्थित आफनो घरको बार्दलीवाट भाषण गरे । समर्थकले घर वरिपरि खचाखच भरिएको थियो । 

वालुवाटरवाट वालकोटसम्म पुग्दा समर्थक मात्र होईन, ओलीसमेतले कोरोनामा बच्न अपनाउनु पर्ने स्वास्थ्य मापदण्डको उलंघन गरेको सर्वविदितै छ। सामाजिक दुरी कायम गर्ने, मास्क लगाउने, बिडभाड नगर्ने लगायतका सरकारका उर्दीले ओली र उनका समर्थकलाई छोएन। 

अहिले पनि ओलीको यो ब्यवहारमा कुनै परिवर्तन आएको छैन भन्ने कुराको पुष्टी हो–वुधवारको वर्थडे पार्टी । देशका गन्यमान्य ब्यक्तिले नै यसरी स्वास्थ्य मापदण्डको ख्याल नगर्ने हो भने सर्वसाधारणलाई लकडाउन भन्दै घरमा वन्दी वनाउन नपाईने सरोकारवाला निकायका कर्मचारीहरु वताउँछन् ।

यो पनि

प्रधानमन्त्रीवाट गलहत्याईएपछि वालकोटमा नाचेर दिन विताउँदै ओली !

वालुवाटारवाट लुरुलुरु निस्केका ओली वालकोटको वार्दलीमा पुगेर गर्जिए !

नेकपा एमाले केपी शर्मा ओली प्रतिनिधिसभा विघटन सांसद अपहरण लकडाउन राधिका शाक्य वर्थडे पार्टी