नेकपा एकीकृत समाजवादीका वरिष्ठ नेता तथा पूर्वप्रधानमन्त्री झलनाथ खनाल काठमाण्डौ आईपुगेका छन् । मिर्गौला प्रत्यारोपण सफल भएपछि नयाँदिल्लीबाट उनी काठमाडौँ आइपुगेका हुन् । 

भारतको नयाँदिल्लीस्थित एपोलो अस्पतालमा उनको मिर्गौला प्रत्यारोपण गरिएको थियो । गत साउन २० गते उनको मिर्गौला प्रत्यारोपण गरिएको थियो । खनाल गत असार २ गते अस्पताल भर्ना भएका थिए । खनालको दुवै मिर्गौलामा समस्या भएको थियो । खनाल सााढे दुई महिनापछि नेपाल फर्किएका हुन् ।

माधव कुमार नेपालले एमाले विभाजन गरेर एकीकृत समाजवादी दल दर्ता गरेपछि खनालले नेपाली राजदूतावास दिल्लीबाट नै आफ्नो सनाखत गरेका थिए । नेकपा एमालेका वरिष्ठ नेताका रुपमा दिल्ली गएका खनाल एकिकृत समाजवादीको वरिष्ठ नेताका रुपमा स्वदेश फर्किएका हुन।

खनाललाई लिन अध्यक्ष माधवकुमार नेपाल आफै त्रिभुवन अन्तर्राष्ट्रिय विमानस्थल पुगे। 

झलनाथ खनाल