काबुल । तालिबान विरोधी लडाकूहरुले अफगानिस्तानमा चलिरहेको राजनीतिक संकटको बीचमा आतंकवादी समूह तालिबानलाई समाप्त गर्ने प्रतिबद्धता व्यक्त गरेका छन् । 

अफगानिस्तानको स्थानीय मिडियाका अनुसार पञ्जशीर हाइट्सको कमाण्डिङ पोइन्टबाट तालिबान विरोधी लडाकूमध्ये एकले  उनीहरु आफ्नो अनुहार भुइँमा रगड्ने तयार छन् तर उनीहरुले तालिबानलाई परास्त गर्ने प्रतिबद्धता व्यक्त गरेका छन् । 

पञ्जशिरका लडाकुहरुले लामो समयदेखि एक शक्तिशाली मेसिन गन फायरिङ गरी पहाडको माथिल्लो भागबाट गहिरो घाटीमा विदेशी सेनालाई कब्जा गर्नबाट रोक्दै आएका छन् । 

यी लडाकूहरु नेसनल रेजिस्टन्स फ्रन्ट (एनआरएफ) का हुन्, जो काबुलमा तालिबानको घेराबन्दी पछि बाँकी रहेको सबैभन्दा बलियो बल हो । उपत्यका काबुलबाट ९० माईल उत्तर हिन्दु कुश पर्वतमा अवस्थित छ । 

तालिबान समूहले पञ्जशिरले कब्जा गर्न ठूलो प्रयास गरे पनि हालसम्म त्यो सफल हुन सकेको छैन । अफगानिस्तानको मिडियाका अनुसार एनआरएफले आफ्नो गढीमा तालिबानको हमला रोक्न मेन्सन गनको नेस्ट, मोर्टार र निगरानी चौकी स्यान्डब्यागले ढाकेको छ । 

प्रसिद्ध तालिबान विरोधी राजनीतिज्ञ अहमद शाह मसूदका छोरा अहमद मसूदको नेतृत्वमा रहेको स्थानीय प्रतिरोध सेना पञ्जशीर उपत्यकामा तालिबान सेनाको लागी खतरा बन्ने बताइएको छ । यस हप्ताको शुरूमा, एक पूर्व रूसी आपतकालीन अधिकारीले स्पुतनिकलाई एक साक्षात्कारमा भनेका थिए कि उत्तरी अफगानिस्तानको पञ्जशिर उपत्यकामा प्रतिरोधात्मक सेनाले तालिबानलाई रोक्ने मौका छ ।