नेपालमा कहिलेकाहीं अप्रत्यासित रुपमा राष्ट्रवाद उम्लेर आउँछ। राष्ट्रवादको नारा भजाएर राजनीतिक स्कोर लिन सिपालु धुर्तहरुले कहिले सुस्ता र कहिले कालापानीका नाममा राष्ट्रवाद उमाल्छन् । पछिल्लो समय दार्चुलाको ब्यास नगरपालिका– २ मालघाटको तुईनमा राष्ट्रवादको आगो फुक्ने प्रयास भईरहेको छ ।

अर्थात जस्ले जती भारत विरोधी कुरा गर्न सक्छ र जती भारतलाई गाली गर्न सक्छ उ त्यती नै ठुलो राष्ट्रवादी ठहरिन्छ। अर्थात भारतलाई गाली गर्नु नै राष्ट्रवाद हो भन्ने वुझेका उपवुज्रुकहरुले वेला वेलामा यो हावा चलाउने गरेका छन् ।

महाकालीमा खसेर ३० वर्षीय जयसिंह धामी बेपत्ता भएको विषयमा अहिले भारतीय सीमा सुरक्षा बल (एसएसबी)को ब्यापक विरोध भईरहेको छ । 

यसरी एकातर्फ भारत र एसएसवी विरोधी नारा लागिरहेको छ भने अर्कोतर्फ एसएसबीले नेपाली नागरिकलाई सहयोग गरेर मनावताको झल्को देखाएको विषय चर्चामा आएको छ । एसएसबीले बीरामी भएकी दार्चुलाकी नेपाली महिलालाई अस्पताल पुर्याएर सहयोग गरेको छ ।

एसएसबीका जवानहरुले बीरामी भएकी महिलालाई भारतको धारचुला सीतापुल हुँदै नेपाल प्रवेश गराएका छन् । यसको लागि एसएसबीले चार नेपाली नागरिकहरुलाई पनि बीरामी भएकी महिलासँग नेपाल क्षेत्रसम्म जाने अनुमति दिएको थियो ।

नेपाल एपीएफको छांगरु पोस्टमा निर्माण कार्य चालिरहेको छ । आइतबार गार्लिक निर्माण सेवा कम्पनी (नेपाल) का म्यानेजर इन्चार्ज सहदेव बोहराको निगरानीमा मजदुरहरु काम गरिहेका थिए । सोही समय दार्चुला नौगाड गाउपालिका–१ बस्ने रमेश ठेकरेकी २० वर्षीया श्रीमती मजदुर संगीता ठेकरेको पेटमा अचानक पीडा सुरु भएको थियो । त्यसपछि संगीतालाई अस्पताल लैजाने प्रयास भयो । तर नेपालतर्फको बाटो खराब भएका संगीतलाई अस्पताल पुर्याउन सकिएन।

उपचारको लागि भारतको धारचुला सीतापुलको बाटो हुँदै संगीतालाई अस्पताल लैजान बाहेक कुनै विकल्प थिएन । तर बीरामी संगीतासँग यसको लागि कुनै अनुमति थिएन । आपत स्वास्थ्यकी एसएसबी बी समवाय गब्र्यागका समवाय कमान्डरलाई यसको जानकारी हुनसाथ बीरामी संगीतासहित ५ जनालाई अनुमति दिइएको थियो ।

परिस्थितीको आकलन गर्दै उनीहरुलाई भारतको धारचुला सीतापुल हुँदै नेपाल प्रवेश गराइएको थियो । संगिताको अवस्था गम्भीर भएकोले एसएसबीका जवानहरुले तुरुन्त संगीतालाई आफ्नै वाहनमा छियालेखसम्म पुर्याई दिए । भारतीय सेनाको एमआई कक्षमा संगीताको प्राथमिक उपचार गरी बुँदी तर्फ पठाइएको थियो ।

भारतीय शेनाको यो उदार भावनाको अहिले नेपालीहरुले प्रशंसा गरिरहेका छन्।

यो पनि

प्रचण्डकै कार्यकर्ता भन्छन् – यो सरकार भारतबाट संचालित छ

तुईन राष्ट्रवाद एसएसबी