कोरोना संक्रमण बढ्दै गएपपछि सरकारले कक्षा १२ को परीक्षा स्थगन गर्ने तयारी गरेको छ। परिक्षा स्थगनका लागि स्वास्थ्य मन्त्रालयले सम्वन्धित क्षेत्रमा सिफारिस समेत गरेको छ ।

स्वास्थ्य राज्यमन्त्री उमेश श्रेष्ठले शुक्रबार यथास्थितिमा परीक्षा सञ्चालन गर्न नसकिने जानकारी दिएका छन्। उनले परीक्षा स्थगन गर्न शिक्षा मन्त्रालय र कोभिड–१९ संकट व्यवस्थापन केन्द्र (सीसीएमसी)लाई सिफारिस गरेको जानकारी दिए। 

कोरोना संक्रमण फैलिँदै गएको विद्यमान परिस्थितिमा ४ लाख विद्यार्थीको जीवनरक्षाप्रति आफुहरु अत्यन्त संवेदनशील भएको भन्दै उनले निकट भविष्यमा हुन लागेका सवै परिक्षा स्थगन गर्न सिफारिस गरिएको जनाएका छन् ।

ट्वीटरमा उनले लेखेका छन्–‘कोभिड–१९ संक्रमण फैलदैं गएको विद्यमान परिस्थितिमा ४ लाख विद्यार्थीको जीवनरक्षाप्रति हामी अत्यन्त संवेदनशील छौं। स्वास्थ्य तथा जनसंख्या मन्त्रालयले निकट भविष्यमा हुन लागेका सबै परीक्षा स्थगन गर्न शिक्षा मन्त्रालय र कोभिड–१९ संकट व्यवस्थापन केन्द्रलाई सिफारिश गरेको जानकारी गराउँछु।’

http://

कोभिड–१९ संक्रमण फैलदैं गएको विद्यमान परिस्थितिमा ४ लाख विद्यार्थीको जीवनरक्षाप्रति हामी अत्यन्त संवेदनशील छौं। स्वास्थ्य तथा जनसंख्या मन्त्रालयले निकट भविष्यमा हुन लागेका सबै परीक्षा स्थगन गर्न शिक्षा मन्त्रालय र कोभिड–१९ संकट व्यवस्थापन केन्द्रलाई सिफारिश गरेको जानकारी गराउँछु।

— Umesh Shrestha (@MohpStateMin) August 6, 2021

 

उमेश श्रेष्ठ सीसीएमसी कक्षा १२ को परीक्षा