पुर्व पश्चिम राजमार्गको सडक खण्ड अन्तर्गत बरमझिया क्षेत्र पेडाका लागि प्रख्यात छ । करिब पाँच किलोमिटर दुरीमा रहेका ८० भन्दाबढी पसलको नाम र काम एक अर्कामा मिल्दोजुल्दो छ । सबै पेडा पसलका होर्डिङ बोर्डमा ‘बुडो बाजेको’ ‘पुरानो’ ‘असली’ जस्ता शब्द अनिवार्य जस्तैगरी उल्लेख गरिएकाछन् । सबै पसलले आफूलाई असली दाबी गर्ने गरेका छन् ।

सडकको दुवै किनारमा खुलेका पसलले जोकोहीको ध्यान तान्छ । राजमार्गमा यात्रा गर्ने यात्रीको  कोसेलीको पनि हो पेडा । राजमार्गका देखिएका पेडा पसलको ब्राण्ड स्थापित गर्ने व्यक्ति भने बैजनाथ साह हुन् । ६५ वर्षअघि सप्तरीमा साहले सुरु गरेको पेडा पसलको छुट्टै बजार स्थापित भइसकेको छ । बरमजियाको पेडा पूर्वदेखि पश्चिम चिनिएको छ ।

राजमार्गमा देखिएको पेडा पसलको ब्रान्ड स्थापित गर्ने व्यक्ति भने बैजनाथ साह हुन् भने यसको प्रचारप्रसार हुनुमा गिरिजा प्रसाद कोईरालाको अह्म हात रहेको छ ।  ७० वर्षअघि बरमझियामा साहले सुरु गरेको पेडा पसलले गर्दा बजार स्थापित भइरहेको छ । बरमझियाको पेडाको चर्चा नेपालमा होइन, भारतको अनेक सहरमा पनि हुने गर्छ । बैजनाथले पेडा बनाउन सुरु गरेको सात दशकमा ८० भन्दा बढी पेडा पसल खुलेका छन् ।

वि.स. २०५० सालतिर गिरिजा प्रसाद कोईराला बरमझिया आएर भाषणमा पेडाको बारेमा सम्बोधन गर्दा पेडाको ब्राण्डिगं भएको स्थानिय व्यापारी असर्फि शाह बताउँछन् । बरमझिया चोकमा यहाँको पेडाको बारेमा चर्चा गरेपछि यसको चारैतिर प्रचार भयो । हुँदाहुँदा दरबारबाट पनि कुनै विशेष समारोह हुँदा यहीँको पेडा मगाउन थालियो । काठमाडौंमा कार्यक्रमपिच्छे ५०–६० किलो पेडा दरबार जाने गरेको थियो । 

बरमझिया पेडाका लागि प्रख्यात गिरिजा प्रसाद कोईराला