गुप्तांग भित्र लागूपदार्थ ब्राउन सुगर लुकाएर ओसारपसार गरेको भन्दै सोमबार झापामा दुई महिलालाई पक्राउ गरेकाछन् । 

जिल्ला प्रहरी कार्यालय झापाका अनुसार गुप्तांगमा करिब ४४ दशमलव ३ ग्राम ब्राउन सुगर लुकाएर भित्र्याउने झापा दमक–१ की ३४ वर्षीया मञ्जु धिमाल र सोही स्थानकी २५ वर्षीया विमला धिमाल पक्राउ परेका हुन् । 

दक्षिण झापाको गौरीगन्ज गाउँपालिका–४ को कदमगाछीस्थित सीमा प्रहरी चौकी र सशस्त्र प्रहरी बलको संयुक्त टोलीले शनिबार राति पक्राउ गरेका शंकास्पद ती महिलाहरूलाई सोधपुछ गरी प्रारम्भिक खानतलासीका क्रममा संवेदनशील अंग (योनि) मा लागू पदार्थ लुकाइएको आशंका गरिएको थियो ।

खजुरगाछीस्थित स्वास्थ्य चौकीका महिला स्वास्थ्यकर्मीको सहयोगमा खानतलासी गर्दा मञ्जु धिमालले योनिमा लुकाइएको अवस्थामा लागू पदार्थ फेला परेको जिल्ला प्रहरी कार्यालय झापाका प्रवक्ता डीएसपी राकेश थापाले जानकारी दिए ।
 

ओसारपसार गुप्तांगभित्र ब्राउन सुगर