प्रमुख प्रतिपक्षलाई पेलेरै संसद सञ्चालन गर्ने योजना वनाएका सभामुख अग्निप्रसाद सापकोटा आईवारदेखी पछि हटेका  छन् । आफनो माग सम्वोधन नभए निरन्तर संसद अवरोध गर्ने एमाले संसदिय दलको निर्णयपछि सभामुख हच्किएका हुन ।

आईतवार तेस्रो दिन पनि एमालेले प्रतिनिधिसभाको वैठक सुरु हुनासाथ नारावाजी गरेको थियो । वेलमा भेला भएका एमाले सांसदले निरन्तर अवरोध गरेपछि सभामुखले १५ मिनेटका लागि संसद स्थगित गरे । सोही समयमा उनले एमाले सांसदसँग छलफल पनि गरे ।

नेकपा एमालेका प्रमुख सचेतक विशाल भट्टराई, सचेतक शान्ता चौधरी तथा सांसद खगराज अधिकारीसँग भएको छलफलमा उनले संसद सहज वनाउन आग्रह गरे । तर, एमाले सांसदहरूले आफ्नो गल्ती सच्याउन आग्रह गरेपछि उनको प्रयास असफल भयो ।

त्यसपछि उनले फेरी वैठक सुचारु गरे। तर, एमाले सांसदले नारावाजी गरेर लामो समय संसद अवरोध गरेपछि २९ भदौसम्मका लागि वैठक स्थगित भएको छ । त्यसपछि उनले सोमवारका लागि सर्वदलीय बैठक बोलाएका छन्।

सभामुख सापकोटाले संसदमा प्रतिनिधित्व गर्ने दलका संसदीय दलका नेताहरूसँग भोलि सोमवार दिउँसो साढे २ बजे छलफल गर्न लागेको उनको सचिवालयले जनाएको छ । संसद् बैठकमा नेकपा एमालेले गरेको अवरोध हटाउने र अन्य समसामयिक राजनीतिक विषयमा छलफलका लागि सभामुखले बैठक बोलाएको सचिवालयले जनाएको छ।

सापकोटाले शुक्रवारको वैठक भने प्रतिपक्ष एमालेलाई पेलेरै संचालन गरेका थिए । सांसदहरुको नाराबाजीकै बीचमा सोही वैठकवाट केपी शर्मा ओली नेतृत्वको सरकारले ल्याएको बजेट प्रतिस्थापन गरेर सरकारले सदनमा नयाँ बजेट पेस गरेको छ । 

अग्निप्रसाद सापकोटा संसद अवरोध सर्वदलीय बैठक एमाले संसदिय दल