मन्त्री भएको १५ दिनमै राजिनामा, सरकारमा दुई जना मात्रै
बागमती प्रदेशका सामाजिक विकासमन्त्री कृष्णप्रसाद शर्मा खनालले नियुक्त भएको १५ दिन नपुग्दै पदबाट राजीनामा दिएका छन् ।
नेकपा एमालेकातर्फबाट मन्त्री बनेका खनालले माधव नेपाल नेतृत्वको नेकपा (एकीकृत समाजवादी) पार्टी रोजेपछि वुधवार उनले मन्त्रीबाट राजीनामा दिएका छन् ।
बागमती प्रदेश सरकारमा अव मुख्यमन्त्री अष्टलक्ष्मी शाक्य र आन्तरिक मामिला तथा कानून एवं भौतिक पूर्वाधार विकासमन्त्री केशवराज पाण्डे मात्र छन् ।
खनालसहितका बागमती प्रदेशसभाका १२ सदस्यले निर्वाचन आयोगको प्रदेश कार्यालयमा पुगेर नेकपा एकीकृत समाजवादी रोजेका थिए ।
निवर्तमान मन्त्री खनालले मुख्यमन्त्रीलाई काम गर्न सहज होस् भनेर राजीनामा बुझाएको बताए। मुख्यमन्त्री र आफ्नो दल फरक परेकाले आज बिहान राजीनामा दिएको खनालको भनाइ छ ।
पार्टी फुटको तहसम्म पुग्दा एउटै विचार समूहमा रहेका मुख्यमन्त्री अर्को समूहमा लागेपछि राजीनामा दिएको खनालले प्रतिक्रिया दिए।
