सुर्खेतको वीरेन्द्रनगर नगरपालिका–१ का वडा वडाध्यक्ष गंगाराम सुनारले जोखिम मोलेर जनताको काम गर्न नसक्ने वताएका छन् । 

वडा कार्यालयमा एक युवकले आगो लगाएको विषयमा प्रतिक्रिया दिदै उनले आफुमाथि सुरक्षा खतरा वढेको वताए । वुधवार समयमा कार्यकक्षमा नभेटिएको भन्दै आक्रोशित एक युवकले पट्रोल छर्केर आगो लगाई दिएका थिए ।

बिहान १० बजेर ४ मीनेट जाँदा वडाध्यक्ष वडा कार्यालयमा नपुगेपछि फोनमा धम्की दिएका थिए । आफूलाई कार्यालयमा नभेटेको झोकमा पेट्रोल छर्केर आगजनी गरिएको सुनारले वताएका छन् ।

वडा कार्यालयमा आगलागी गर्ने युवा सोही वडाका बासिन्दा वास्तव लामिछाने रहेको प्रहरीले जनाएको छ । उनी फरार छन् ।

आगजनीबाट वडाध्यक्षको कार्यकक्षमा पूर्ण क्षति पुगेको छ । कुर्सी, सोफा,दराज र त्यहाँ रहेका कागजात जलेर नष्ट भएको बताइएको छ । सोही प्रसंगमा सुनारले भनेका छन्–‘लामिछानेले पहिलेदेखि नै आफ्नो घरमा गएर चियोचर्चो गर्ने गरेको चर्चा पुष्टि भएको छ। खै कसले उचालेर गरेको हो, व्यक्तिगत रिसइवी त केही थिएन। यस्तै हो भने जोखिम मोलेर जनताको काम गर्न सकिदैन होला।’

यो पनि

जनप्रतिनिधि प्रतिको आक्रोशः पेट्रोल छर्केर वडा कार्यालयमा आगजनी