नेकपा (एकीकृत समाजवादी) को महासचिव बेदुराम भुसाल बन्ने भएका छन् । विहिवार वसेको सचिवालयको बैठकमा भुसाललाई महासचिव बनाउने सहमति जुटेको हो।

केन्द्रीय कमिटीमा नेताहरु राजेन्द्र पाण्डे, प्रमेश हमाल, धर्मनाथ साह र जयन्ती राई उपाध्यक्ष, वेदुराम भुसाल महासचिव, गंगालाल तुलाधर, प्रकाश ज्वाला र विजय पौडेललाई उपमहासचिव र केशलवलाल श्रेष्ठ, जगन्नाथ खतिवडा, नागेन्द्र चौधरी र रामकुमारी झाँक्रीलाई सचिव प्रस्ताव गरिएको थियो ।

तर राजेन्द्र राईलाई पदाधिकारीमा नराखेको भन्दै असन्तुष्टि देखिएपछि पदाधिकारी हेरफेर गरी उनलाई पनि सचिवमा प्रस्तावित गरिएको छ। यसैगरी, केशवलाल श्रेष्ठ र घनेन्द्र बस्नेतलाई पनि उपाध्यक्ष बनाइएको छ ।

यो सँगै एकिकृत समाजवादीमा उपाध्यक्षको संख्या ६ र सचिवको संख्या ५ पुुगेको छ। 

मुकुन्द न्यौपानेलाई अध्यक्ष माधवकुमार नेपाल र वरिष्ठ नेता झलनाथ खनालपछि पार्टीको तेस्रो वरियतामा राखिएको छ। 

नेकपा (एकीकृत समाजवादी) माधवकुमार नेपाल बेदुराम भुसाल