काबुल। तालिबान शासित अफगानिस्तानमा अफगानी सेनाका परिवारका सदस्यहरुलाई अपहरण गर्ने, महिलामाथि कुटपिट गर्ने प्रवृति बढ्दोरुपमा देखएिको छ। तालिबानी लडाकूहरुले एक महिला नागरिक समाजकी कार्यकर्तालाई कुटपिट गरेको र उनको परिवारका पाँच सदस्यहरुलाई अपहरण गरेका छन्। 

यो घटना अफगानिस्तानको १५ औं प्रहरी जिल्लाको सीमामा भएको थियो। तालिबानी लडाकूका सशस्त्र सदस्यहरु फहिमा रमतीको घरमा जबरजस्ती प्रवेश गरेको र उनलाई कुटपिट गर्न थालेको प्रत्यक्षदर्शीहरुले बताएका छन्।

होप फाउन्डेसनकी प्रमुख रहमतीले  तालिबानले उनका दुई दाजु, एक ससुरा र एक छिमेकीसहित पाँच जनालाई अपहरण गरेको बताएकी छन् ।

यसैबीच, कान्दाहारका गुप्तचर प्रमुख रहमतुल्लाह नरैवालले तालिबानले रहमतीको घरमा पूर्व सुरक्षा निदेशकहरुको उपस्थितिसम्बन्धी जानकारी प्राप्त गरेको र सोही जानकारीका आधारमा उनको घरमा प्रवेश गरेको बताएका छन्। 

तर कार्यकर्ताले त्यस्तो कुनै नभए पनि तालिबानी लडाकूका सदस्यहरु घरमा प्रवेश गरेर ज्यादती गरेको बताएका छन्।  तालिबानले अफगानिस्तानमा आफ्नो पकड कायम गर्न बल प्रयोलाई जारी राखेपछि देशबाट महिलाविरुद्ध उत्पीडन र क्रूरताका रिपोर्टहरु बाहिर आउन थालेको बताइएको छ। 

संगठनबाट गम्भीर धम्कीको बावजुद हजारौं महिलाहरु उनीहरुका अधिकारहरुबाट वञ्चित भएको माग गर्दै देशभरका सहरहरुमा प्रदर्शन गरिरहेका छन्।

एक दिनअघि काबुलमा महिलाहरुको विरोध प्रदर्शनमा भाग लिएको कारण तालिबानले मानव अधिकार कार्यकर्ता हबीबुल्लाह फरजादलाई पनि निर्दयीरुपमा कुटपिट गरेका थिए। 

अफगानिस्तानमा तालिबानले कब्जा गरेपछि अधिकारकर्मीहरु र प्रदर्शनकारीहरु विरुद्ध हिंसा एक सामान्य घटना बनेको छ।

तालिबानको कब्जा पछि अफगानिस्तानमा बर्बरताको पछिल्लो दृश्यहरुले युद्ध प्रभावित देशमा मानव अधिकारको विनाशकारी स्थितिलाई उजागर गरेको बताइएको छ। 

वर्तमानमा अफगानिस्तानमा अराजक स्थिति बन्दुक बोकेका व्यक्तिको तस्वीरसँग, सम्पूर्ण जनसंख्यालाई घेराबन्दीको स्थितिमा राखेको बताइएको छ।