भ्वाइस अफ नेपाल सिजन–३ का विजेता किरण गजमेरलाई अध्यागमन विभागले विमानस्थलबाटै फर्काइ दिएको छ। किरण अमेरिकी नागरिक हुन् ।

गत सोमवार अमेरिकाबाट कतार एयरवेजमार्फत नेपाल आएका उनलाई त्रिभुवन अन्तर्राष्ट्रिय विमानस्थलबाटै फर्काइएको हो । एक प्रवेशाज्ञा (भिसा)मा बस्न पाउने समय किरणले नेपालमा बिताइसकेकाले उनलाई फकाईएको अध्यागमन विभागले जनाएको छ ।

एक प्रवेशाज्ञामा १८० दिन मात्रै नेपाल बस्न पाइन्छ । गजमेरले सन् २०२१ मा अब नेपाल प्रवेश पाउने छैनन् । सन् २०२२ मा भने उनी पुनः नेपाल आउन सक्छन् ।

भुटानबाट शरणार्थी भएर नेपाल आएका किरण केही वर्षयता अमेरिकामा बस्दै आएका छन् । तेस्रो मुलुक पुनर्वासका क्रममा उनी अमेरिका पुगेका हुन् । 

भ्वाइस अफ नेपाल किरण गजमेर