नेकपा (एमाले)का प्रवक्ता प्रदीप ज्ञवालीले भूमिसम्बन्धी आयोग विघटन, दल फुटाउने अध्यादेश तथा मन्त्रिपरिषदले पूर्णता पाउन नसकेको विषय उठाउँदै सरकारको आलोचना गरेका छन् ।

नेकपा (एमाले) ललितपुर जिल्ला कमिटीले शुक्रबार लगनखेलमा आयोजना गरेको अगुवा कार्यकर्ता भेलामा बोल्दै उनले लिपुलेक नेपाली भूमिलाई समस्याको रूपमा चित्रण गरेर न्यूनतम साझा कार्यक्रम ल्याएको भन्दै सरकार र गठवन्धनको आलोचना गरे ।

ज्ञवालीले आगामी निर्वाचनवाट एमाले फेरी सरकारमा फर्किने दावी पनि गरे । तत्कालका लागि परमादेशबाट आफूहरू सरकारबाट हटनु परेको उल्लेख गर्दै प्रवक्ता ज्ञवालीले जनादेशको माध्यमबाट फेरि आफ्नो पार्टी सरकारमा फर्कने बताए।

‘हामीले स्थानीय तहको निर्वाचनको तयारी गर्नुछ। अबको १५÷१६ महिनापछि हुने प्रदेश र संघको निर्वाचनको लागि तयारी गर्नुछ’ उनले भने–‘ठिक छ, परमादेशबाट हामीलाई हटाइएको छ। जनादेशबाट फेरि फर्कने छौं, हामी सरकारमा। परमादेशबाट हामीलाई प्रतिपक्ष बनाइएको छ। जनताको मायाबाट हामी फेरि फर्कनेछौं। र फेरि देशलाई ‘समृद्ध नेपालः सुखी नेपाली’को राष्ट्रिय अभियानमा साथ अघि बढाउनेछौं।’
 

नेकपा (एमाले) प्रदीप ज्ञवाली