भीम रावलको प्रदेशमा एमाले भन्दा नेकपा (एकिकृत समाजवादी) ठुलो
सुदूरपश्चिम प्रदेशका थप तीन जना एमाले सांसदले नेकपा (एकीकृत समाजवादी) रोजेपछि एकीकृत समाजवादी नेकपा एमालेभन्दा ठूलो दल बनेको छ । यो प्रदेश नेकपा एमालेका उपाध्यक्ष भिम रावलको दवदवा भएको प्रदेश पनि हो ।
सांसदहरु तारालामा तामाङ, दीर्घ सोडारी र प्रकाश रावलले आज निर्वाचन कार्यालय पुगेर एकीकृत समाजवादीको पक्षमा सनाखत गराएका छन् । अब सुदूरपश्चिम प्रदेशसभामा एकीकृत समाजवादीका १३ र एमालेका सभामुखसहित १२ सांसद भएका छन् ।
राजनीतिक दलसम्बन्धी अध्यादेशअनुसार एमाले विभाजन भएपछि निर्वाचन आयोगले प्रदेश र स्थानीय तहका जनप्रतिनिधिलाई नयाँ दलमा सामेल हुन चाहे भदौ २२ सम्म सनाखत गर्न समयसीमा तोकेको थियो । सोही अनुसार सुदूरपश्चिम प्रदेशसभामा रहेका एमालेका १० सांसदले यसअघि नै नेकपा एकीकृत समाजवादीको पक्षमा सनाखत गराएका थिए ।
यसअघि पूर्णा जोशी, लालबहादुर खड्का, बलबहादुर सोडारी, अमरबहादुर साउन, चुनकुमारी चौधरी, कुलवीर चौधरी, सुशीला बुढाथोकी, दुर्गा कामी र माया भट्ट नेकपा एमाले छाडेर नेकपा एकीकृत समाजवादीमा सामेल भइसकेका थिए ।
दल विभाजनपछि एमालेको तुलनामा नवगठित दल प्रदेशसभामा ठुलो देखिएको हो ।
सुदूरपश्चिम प्रदेश नेकपा (एकीकृत समाजवादी) नेकपा एमाले
