ओलीले यो के भने– जसो गर्दा समस्या समाधान हुन्छ त्यसो गर्नुस्, त्यही हो १० बुँदे
नेकपा एमालेका अध्यक्ष केपी शर्मा ओलीले पार्टी जस्ताको तस्तै २०७५ जेठ २ मा फर्कन नसक्ने वताएका छन् । माधव कुमार नेपाल समुहमा रहेका तर, पार्टी विभाजन हुँदा एमालेमै रहेका नेताहरुले १० बुँदे सहमति कार्यान्वयन नभएको गुनासो गरिरहेका बेला ओलीले यस्तो वताएका हुन ।
पोखरामा आज भएको बृहत कार्यकर्ता भेलामा अध्यक्ष ओलीले जेठ २ मा जस्ताको तस्तै फर्किन सम्भव नभएको स्पष्ट पारे।
उनले माओवादी र एमालेको एकीकरणको निरन्तरता नै अहिलेको पार्टी भएको पनि बताए । एकीकरणपछि पार्टीको नाम अहिले एमाले भएको जिकिर उनले गरे । पुष्पकमल दाहाल ‘प्रचण्ड’ गुट अलग भएर गए पनि माओवादीबाट आएका थुप्रै मान्छे एमालेमै रहेकाले एकता कायमै रहेको उनको भनाई थियो । ‘जसो गर्दा समस्या समाधान हुन्छ, त्यसो गर्नुस् । त्यही हो १० बुँदे’– उनले भने।
माधव नेपाललाई पनि फुट्न नदिन कार्यदल बनाएको, तर उनले १० बुँदेलाई अस्वीकार गरेको ओलीले बताए । ओलीले अघि भने, ‘हामीले यसलाई उपयोग गर्दै पार्टीको समस्या समाधान गर्दै, भ्रम र अलमलमा परेका साथीहरुलाई पनि ल्याउँदै पार्टीलाई मजबुत बनाएर जान स्वीकार गरेका छौं । यसलाई कुनै हाउगुजीका रुपमा नबुझ्न आग्रह गर्छु ।’
तर, पार्टीमा विवाद समाधानका लागि गठित कार्यदलले गरेको १० बुँदे सहमतिमा पार्टी कमिटीलाई २०७५ जेठ २ गतेको स्थितिमा फर्काउने उल्लेख थियो ।
नेकपा एमाले केपी शर्मा ओली माधव कुमार नेपाल १० बुँदे सहमति
