माधवकुमार नेपाल नेतृत्वको नेकपा (एस) मा पहिरो जाने खतरा वढेको छ। सुदूरपश्चिम प्रदेशका आर्थिक मामिला तथा योजनामन्त्री प्रकाशबहादुर शाह र राज्यमन्त्री अर्चना गहतराजले नेकपा एसमा नलाग्ने भन्दै राजीनामा दिने तयारी गरेका छन् ।

दुवै जनाले आफुहरु राजिनामा दिन तयारी अवस्थामा रहेको वताएका छन् । नेकपा एमाले सांसदीय दलका नेतासमेत रहेका मन्त्री शाहले एमाले विभाजनपछि एमालेमै रहने वताए । राज्यमन्त्री गहतराजले पनि राजीनामा दिन लागेको वताइएको छ।

विगतमा शाह र गहतराज दुवै माधव नेपालको समूहमा थिए । तर दल विभाजन भएपछि उनीहरुले नेपालको साथ छोड्न लागेका हुन । अहिले नेकपा समाजवादी सबैभन्दा ठूलो दल बनेको छ । २५ प्रदेशसभा सदस्य रहेको एमालेबाट समाजवादीमा १४ जना प्रदेशसभा सदस्यले सनाखत गरेका छन् ।

एमाले इतरका दलहरूले सरकार संचालन गर्ने तयारी गरेपछि शाह र गहतराजले राजीनामा दिन लागेका हुन्।

माधवकुमार नेपाल नेकपा (एकीकृत समाजवादी)