अफ्गानिस्तानवाट एयर लिफ्ट गरी उद्धार गरिएका ३५ जनाले १४ दिनको क्वारेन्टाई अवधि पुरा गरेका छन् । उनीहरुलाई भारत–तिब्बती सीमा पुलिस केन्द्र (आईटीबीपी) केन्द्र, छावला क्याम्पमा राखिएको थियो ।

१४ दिनको क्वारेन्टाइन अवधि पुरा गरेपछि उनीहरुलाई विदाई गरिएको छ। ३५ मध्ये २४ भारतीय र ११ जना नेपाली नागरिक छन्। यो संगै आईटिबीपी केन्द्रवाट क्यारेन्टाईन अवधि पुरा गरेर विदा हुनेको संख्या ११३ पुगेको छ । 

सेप्टेम्बर, ०२१ मा ७८ जना व्यक्तिहरुलाई यस केन्द्रवाट विदा गरिएको थियो । जसमा ५३ जना अफगान नागरिक थिए । क्वारेन्टाइन अवधिमा आईटीबीपी सुविधाले गरेको आरटीपीसीआर परीक्षणमा सबैको कोरोना रिपोर्ट नेगेटिभ देखिएको थियो।
यो समूह २ अगस्ट, २०२१ मा अफगानिस्तानबाट एयरलिफ्ट गरी आईजीआई एयरपोर्ट, नयाँ दिल्ली बाट आईटीबीपी क्वारेन्टाइनमा पुगेको थियो ।

उनीहरुका लागि केन्द्रमा सबै सुविधाहरु सित्तैमा उपलब्ध गराईएको थियो । खाना र बस्न बाहेक, मनोरञ्जन, इनडोर खेल, वाईफाई र क्यान्टीन आदि को सुविधा प्रदान गरीएको थियो। योग र तनाव परामर्श पनि उपलब्ध गराईएको थयो ।

नयाँ दिल्लीको छावला शिविरमा रहेको क्वारेन्टाइनलाई राष्ट्रको पहिलो १ हजार वेडको क्वारेन्टाइन केन्द्र स्थापना गर्ने श्रेय दिइएको छ । जसमा बंगलादेश, चीन, म्यान्मार, माल्दिभ्स, अमेरिकालगायत ४२ जना नागरिक सहित १२०० भन्दा बढी व्यक्तिहरुलाई अलग राखिएको थियो।

अफ्गानिस्तानवाट उद्धार क्वारेन्टाईन