‘अनुदान दिँदा सर्त किन ?’ भन्दै सरकारले सोधेको प्रश्नको एमसीसीले जवाफ फर्कायो
मिलेनियम च्यालेञ्ज कर्पोरेसन (एमसीसी)ले ‘अनुदान दिँदा सर्त किन ?’ भनेर नेपाल सरकारले सोधेको प्रश्नको उत्तर पठाएको छ । एमसीसीले अमेरिकी दूतावासमार्फत् अर्थमन्त्री जनार्दन शर्मालाई सम्बोधन गरेर नेपालले सोधेका प्रश्नहरूको जवाफसहितको पत्र पठाएको हो ।
नेपाल सरकारले एमसीसीबारे उठेका ११ सवालहरूमा प्रष्ट बनाइदिन भन्दै एमसीसीलाई पत्र पठाएको थियो । नागरिकस्तरबाट उठाइएका प्रश्नहरूसहित नेपाल सरकारले पठाएको पत्रको जवाफ फर्काउँदै एमसीसीले निर्धारित समयभित्रै परियोजना सम्पन्न गर्न एमसीसी सम्झौतामा सर्तहरू राखेको बताएको छ ।
परियोजनामा विनियोजित रकमको दुरुपयोग रोक्न र पाँच वर्षभित्रै काम सिध्याउन सर्तहरू राखेको जनाउँदै परियोजना लागू भइसकेका अरू देशमा पनि सर्त र मापदण्डहरू यस्तै रहेको वताएको छ।
सम्झौताका सर्तहरूको उल्लंघन हुनेगरी अनुदान रकमको दुरुपयोग नभएमा यो रकम फिर्ता गर्न नपर्ने पनि एमसीसीले जनाएको छ ।
एमसीसीले अनुदानमा दिने भनिएको ५० करोडको कम्प्याक्ट (सम्झौता)मा अप्ठेरा र आफू हाबी हुने सर्तहरू राखेको भन्दै नेपालमा खुब विरोध भइरहेको छ । खासगरी कम्प्याक्टलाई संसदबाट पारित गर्नुपर्नेलगायतका सर्तबारे चर्को विवाद छ ।
एमसीसी
