मौसम तथा पुर्वानुमान महाशाखाले नेपालमा चिसो अझै वढ्ने वताएको छ। देशभर चिसो अझै बढ्ने क्रममा रहेकाले चिसोबाट बच्न र त्यसको प्रभावबाट जोगिन आवश्यक सुरक्षा तथा सतर्कता अपनाउन महाशाखाले अनुरोध गरेको छ।

महाशाखाले शनिवार साँझ आगामी २४ घण्टाका लागि चेतावनी तथा परामर्श जारी गर्दै त्यस्तो अनुरोध गरेको हो । महाशाखाका अनुसार नेपालबाट पश्चिमी वायु बाहिरिएको छ भने देशमा उल्लेखनीय मौसमी प्रणाली छैन।

महाशाखाले जारी गरेको वुलेटिन अनुसार आज राति प्रदेश १, बागमती, गण्डकी र सुदूरपश्चिम प्रदेशमा आंशिक बदली  तथा  बाँकी प्रदेशमा मौसम सामान्यतया सफा रहनेछ।