माओवादी केन्द्रको निर्वाचन कार्यतालिका तेस्रो पटक संशोधन
नेकपा माओवादी केन्द्रको निर्वाचन कार्यतालिका तेस्रो पटक संशोधन भएको छ। केन्द्रीय समिति चयनका लागि उम्मेदवारी दर्ता आइतबार दिउँसो ४ बजेदेखि साढे ६ बजेसम्मका लागि तोकिएको छ ।
यसअघि दोस्रो पटक निर्वाचन तालिका सारेर दिउँसोबाट उम्मेदवारी दर्ताको समय निर्धारण भएकोमा सहमति खोज्ने प्रयासका लागि केही समय सारिएको जनाईएको छ।
माओवादीको नयाँ नेतृत्व र १५ सदस्यीय पदाधिकारी टीम सर्वसम्मत बनाउने प्रयास जारी छ।
सहमतिका लागि भन्दै माओवादीले शनिबार राति ८ बजेदेखि तय गरिएको निर्वाचन कार्यतालिकालाई आइतवार पटक पटक संशोधन गरिएको छ।
तर, अझै पनि सहमतिको विन्दु फेला परेको छैन। निर्वाचन समितिले मतदान कार्यक्रमलाई सोमबार बिहान ८ बजेदेखि दिउँसो १ बजेर २५ मिनेटसम्मलाई कायम गरिएको छ।
